မန်ချက်စတာယူနိုက်တက်မှာ အနာဂတ် လုံးဝ ပျောက်ဆုံးနေတဲ့ ရက်စ်မက်စ် ဟွိုက်ဂျ်လန်း ကတော့ ဒီနွေရာသီမှာ စီးရီးအေ ကလပ်တွေနဲ့ တောက်လျောက် သတင်းတွေ ထွက်နေသူ ဖြစ်ပါတယ်။ ဒိန်းမတ် လက်ရွေးစင် ဟွိုက်ဂျ်လန်းကို အေစီမီလန်၊ အင်တာမီလန်၊ နာပိုလီ အပြင် အသင်းဟောင်း အတ္တလန္တာ ကလည်း ပြန်လည် ခေါ်ယူချင်နေပေမယ့် လက်ရှိ အချိန်ထိတော့ အပြောင်းအရွှေ့က အထမြောက်ခြင်း မရှိသေးပါဘူး။
ဒီအချိန်မှာ နာပိုလီ ကွင်းလယ် ကစားသမား စကော့တ် မက် တော်မီနေးက သူ့ရဲ့ မန်ချက်စတာယူနိုက်တက် အသင်းဖော်ဟောင်း ရက်စ်မက်စ် ဟွိုက်ဂျ်လန်းကို သူတို့ အသင်းထံ လာရောက် ပူးပေါင်းဖို့ ကိုယ်တိုင် ဖုန်းဆက်ပြီး ပြောဆိုစည်းရုံးခဲ့ကြောင်း သိရပါတယ်။ အီတလီက လာတဲ့ သတင်းတွေအရ တော်မီနေးဟာ ဟွိုက်ဂျ်လန်း နာပိုလီကို ပြောင်းရွှေ့လာစေရေး အတွက် နည်းလမ်းမျိုးစုံနဲ့ ကြိုးပမ်းနေတယ်လို့ သိရပါတယ်။ တော်မီနေးနဲ့ ဟွိုက်ဂျ်လန်း တို့ကတော့ ယူနိုက်တက်မှာ ပြိုင်ပွဲစုံ ၃၄ ပွဲ တွဲဖက် ကစားခဲ့ဖူးပြီး ရင်းနှီးတဲ့ ဆက်ဆံရေး ရှိကြသူတွေ ဖြစ်ပါတယ်။
လက်ရှိမှာ အသက် ၂၂ နှစ် အရွယ်သာ ရှိသေးတဲ့ လူငယ် တိုက်စစ်မှူးလေး ဟွိုက်ဂျ်လန်းက ယူနိုက်တက် နည်းပြ ရူဘင် အမော်ရင်ရဲ့ လက်အောက်မှာ ပွဲထွက် ကစားခွင့်ရဖို့ ရုန်းကန်နေရသူပါ။ သူဟာ မန်ယူနိုက်တက် အတွက် ဒီရာသီ တစ်ပွဲမှ မကစားခဲ့ရသေးပဲ အရန်လူစာရင်းမှာတော့ ပါဝင်နေခြင်း မရှိပါဘူး။ ဒိန်းမတ် လက်ရွေးစင်ဟာ ယူနိုက်တက် ရဲ့ ပရီးမီးယားလိဂ် ရာသီ အဖွင့် ပွဲစဉ် နှစ်ပွဲ ဖြစ်တဲ့ အာဆင်နယ်၊ ဖူလ်ဟမ် တို့နဲ့ ပွဲတွေမှာ လူစာရင်း ကနေ ချန်လှပ်ခံခဲ့ရတာ ဖြစ်ပါတယ်။
သတင်းတွေအရ ဆိုရင် စီးရီးအေ ချန်ပီယံ တို့ဟာ ဟွိုက်ဂျ်လန်းကို ယူရို ၄၅ သန်းနဲ့ ကမ်းလှမ်းသွားဖို့ ပြင်ဆင်နေပြီး ယူနိုက်တက် ဘက်ကလည်း ဒီကမ်းလှမ်းမှုကို လက်ခံဖွယ် ရှိနေပါတယ်။ နာပိုလီက ကနဦး ယူရို ၅ သန်းတန် အငှားစာချုပ်နဲ့ အရင်ဆုံး ခေါ်ယူမှာ ဖြစ်ပြီး ရာသီအကုန် မှာသာ ယူရို သန်း ၄၀ နဲ့ မဖြစ်မနေ ဝယ်ယူရမယ့် သဘောတူညီချက်နဲ့ အပြီးသတ် ခေါ်ယူသွားဖို့ စီစဉ်ထားတာ ဖြစ်ပါတယ်။
စကော့တလန် လက်ရွေးစင် တော်မီနေး ကတော့ ပြီးခဲ့တဲ့ နွေရာသီက မန်ချက်စတာယူနိုက်တက် ကနေ နာပိုလီကို ပြောင်းရွှေ့ခဲ့ပြီးနောက် အီတလီမြေမှာ ခြေစွမ်းပြနေသူ ဖြစ်ပါတယ်။ ဒါ့အပြင် တော်မီနေးက ၂ဝ၂၄-၂၅ ရာသီမှာ နည်းပြ အန်တိုနီယို ကွန်တီရဲ့ အသင်း အတွက် စီးရီးအေ ၃၄ ပွဲ ကစားပြီး ၁၂ ဂိုး သွင်းယူကာ အမှတ်ပေး ချန်ပီယံဆု အတွက် အဓိက နေရာ ကနေ ကူညီပေးနိုင်ခဲ့ပါတယ်။
ဒါ့အပြင် တော်မီနေးဟာ ဒီရာသီမှာလည်း ဆက်လက် ခြေစွမ်းပြနိုင်ဆဲ ဖြစ်ပြီး စီးရီးအေ အဖွင့်ပွဲမှာ ဆိုရင် သူနဲ့ ကစားသမားသစ် ကီဗင် ဒီဘရွန်းနား တို့ရဲ့ သွင်းဂိုးတွေကြောင့် နာပိုလီက ဆာဆူအိုလိုကို အနိုင်ရထားခဲ့ပါတယ်။ ဒီလိုမျိုး နာပိုလီကို ပြောင်းရွှေ့ခဲ့ပြီးနောက် ဆက်လက် ခြေစွမ်းပြနိုင်ဆဲ ပရီးမီးယားလိဂ် ကစားသမားတွေကြောင့် ဟွိုက်ဂျ်လန်း အနေနဲ့ရော အရင်လို ပုံစံကောင်း တစ်ခု ပြန်ရနိုင်မလား ဆိုတာ စောင့်ကြည့်ရမှာ ဖြစ်ပါတယ်။ ဒါ့အပြင် ဒိန်းမတ်သားက စီးရီးအေ အတွေ့အကြုံ ရှိတဲ့ ကစားသမား ဖြစ်သလို ဒီအချက်ကြောင့်ပဲ သူကိုယ်တိုင် ကလည်း အီတလီမြေကို ပြန်လည် ပြောင်းရွှေ့ချင်နေတယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
