ဥရုဂွေး တိုက်စစ်မှူး ဒါဝင် နူညက်ဇ် ကတော့ လစ်ဗာပူးလ်မှာ ရုန်းကန်နေရပြီးတော့ အသင်း ပြောင်းရွှေ့ဖို့ သတင်းတွေ ထွက်နေသူ ဖြစ်ပါတယ်။ ဒီအခြေအနေမှာ ဆော်ဒီပရိုလိဂ် ထိပ်သီး ကလပ် အဲလ်ဟီလယ်က နူညက်ဇ်ကို ခေါ်ယူချင်နေတယ်လို့ သိရပြီး တစ်ပတ် လုပ်ခ ပေါင် ၄၀၀၀၀၀ အထိ ပေးချေသွားဖို့ အစီအစဉ် ရှိနေကြောင်းလည်း သိရပါတယ်။
ဒီအကြောင်းအရာတွေက လစ်ဗာပူးလ် သတင်းရပ်ဝန်း ကနေ ထွက်ပေါ်လာခဲ့တာ ဖြစ်လို့ စောင့်ကြည့်ရဖို့လည်း ရှိနေပါတယ်။ ဥရုဂွေး လက်ရွေးစင် တိုက်စစ်မှူး နူညက်ဇ်ဟာ ဘင်ဖီကာ ကနေ လစ်ဗာပူးလ်ဆီ ကလပ် စံချိန်တင် ပြောင်းရွှေ့ကြေးနဲ့ ပြောင်းရွှေ့ ရောက်ရှိလာခဲ့သူ ဖြစ်ပါတယ်။ ဒါပေမယ့်လည်း နူညက်ဇ်က လက်ရှိရာသီ မှာတော့ နည်းပြသစ် အာနေး ဆလော့တ် လက်အောက်မှာ ခြေစွမ်းပြနိုင်ခြင်း မရှိသေးဘဲ ရုန်းကန်နေရပါတယ်။ ဒါ့အပြင် နူညက်ဇ်က ဂိုးသွင်း စွမ်းရည်တွေပါ ကျဆင်းနေတာကြောင့် ပုံမှန် ပွဲထွက် ကစားခွင့်လည်း တဖြည်းဖြည်း နည်းပါးနေခဲ့ရပါတယ်။ ဒါ့အပြင် ဒီရာသီမှာ လစ်ဗာပူးလ် အတွက် မိုဟာမက် ဆာလာနဲ့ ဂက်ခ်ပို တို့က ခြေစွမ်းပြနေတာကြောင့် နူညက်ဇ် တစ်ယောက် အသင်း ကနေ ရောင်းထုတ်ခံရဖို့ ရှိနေတယ် ဆိုပြီး သတင်းတွေ ထွက်လာခဲ့တာ ဖြစ်ပါတယ်။
လက်ရှိမှာ နူညက်ဇ်ကို အေစီမီလန် အပါအဝင် ဥရောပ ထိပ်တန်း ကလပ်တွေက စိတ်ဝင်စားနေကြပြီး ဆော်ဒီပရိုလိဂ် ကလပ် အဲလ်ဟီလယ်လည်း ပါဝင်လာခဲ့တာ ဖြစ်ပါတယ်။ နူညက်ဇ်နဲ့ ဘင်ဖီကာမှာ လက်တွဲခဲ့ဖူးတဲ့ ဂျော့ဂျ် ဂျီးဆပ်စ် ကတော့ လက်ရှိမှာ အဲလ်ဟီလယ်ကို ကိုင်တွယ်နေပြီး တပည့်ဟောင်းကို ဆော်ဒီပရိုလိဂ် ကလပ်ဆီ ခေါ်ဆောင်ချင်နေတယ်လို့လည်း သိရပါတယ်။ လက်ရှိ အဲလ်ဟီလယ်ရဲ့ တိုက်စစ်အပိုင်းမှာ နေမာ၊ အလက်ဇန္တား မီထရိုဗစ်၊ မယ်လ်ကွန် တို့လို ထိပ်တန်း တိုက်စစ်မှူးတွေ အပြင် အယ်လ် ဒေါ်ဆာရီလို ကစားသမားလည်း ရှိနေပါတယ်။ ဒါပေမယ့် အဲလ်ဟီလယ်က မြင့်မားတဲ့ လုပ်ခလစာ ပေးချေနေရပြီး ဒဏ်ရာကြောင့် မကြာခဏ အနားယူနေရတဲ့ ဘရာဇီးလ် တိုက်စစ်မှူး နေမာ ကို စာချုပ်သက်တမ်းတိုးလိုခြင်း မရှိပဲ တခြားသော ကစားသမား တစ်ဦး ကိုသာ ခေါ်ယူချင်နေခဲ့တာ ဖြစ်ပါတယ်။ နေမာ ကတော့ မကြာခင်မှာ အဲလ်ဟီလယ်နဲ့ စာချုပ် သက်တမ်း ကုန်ဆုံးတော့မှာလည်း ဖြစ်ပါတယ်။
တချို့သော သတင်းတွေ မှာတော့ အဲလ်ဟီလယ်က နေမာကို အသင်း ကနေ လက်လွှတ်လိုက်ရမယ် ဆိုရင်တော့ မိုဟာမက် ဆာလာနဲ့ ပြန်လည် အစားထိုးဖို့ ပစ်မှတ်ထားနေတယ်လို့ သိရပါတယ်။ ဒါပေမယ့် မိုဟာမက် ဆာလာက လစ်ဗာပူးလ်နဲ့ စာချုပ် သက်တမ်းတိုးဖို အခြေအနေ များနေတာကြောင့် ဆာလာ အစား နူညက်ဇ် ကိုသာ ပြောင်းလဲ ကြိုးပမ်းသွားဖို့ ရှိနေတာလည်း ဖြစ်ပါတယ်။ အကယ်၍ နူညက်ဇ်သာ အဲလ်ဟီလယ်ကို ပြောင်းရွှေ့ခဲ့မယ် ဆိုရင်တော့ လစ်ဗာပူးလ်မှာ လက်ရှိ ရရှိနေတဲ့ တစ်ပတ် လုပ်ခ ပေါင် ၁၄၀၀၀၀ ထက် ပိုမို များပြားတဲ့ ပေါင် ၄၀၀၀၀၀ အထိ တိုးမြှင့် ရရှိသွားဖို့ ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
