အခုတစ်ခါမှာတော့ နိုဝင်ဘာလ ၂၃ ရက်နေ့ အတွက် ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
လန်ဒန် မြို့ခံ ပြိုင်ဘက် နှစ်သင်း ဖြစ်တဲ့ တော့တင်ဟမ်ဟော့စပါးနဲ့ ချဲလ်ဆီး တို့ကတော့ စပိန် တောင်ပံ ကစားသမား နီကို ဝီလီယမ်စ်ကို ယူရို ၇၀ သန်း (ပေါင် ၆၁.၅ သန်း၊ ဒေါ်လာ ၈၀.၆ သန်း) နဲ့ ကမ်းလှမ်းဖို့ ပြင်ဆင်ထားတယ်လို့ သတင်းတွေ ထွက်ပေါ်လာပါတယ်။ ဒါပေမယ့်လည်း နီကို ဝီလီယမ်စ် အနေနဲ့ ဘီလ်ဘာအိုနဲ့ ဒီနွေရာသီမှာ စာချုပ်သက်တမ်းတိုးလိုက်ခြင်းက အပြောင်းအရွှေ့ကို ရှုပ်ထွေးသွားစေခဲ့ကြောင်း Fichajes က ဖော်ပြပါတယ်။ နီကို ဝီလီယမ်စ် ကိုယ်တိုင် ကလည်း ပရီးမီးယားလိဂ်ဆီ ပြောင်းရွှေ့ကစားချင်ကြောင်း ပြောကြားခဲ့ဖူးပါတယ်။
အာဆင်နယ်နဲ့ မန်ချက်စတာစီးတီး တို့ကတော့ စပိန် U21 ထုတ်ကုန် ရိုဒရီဂို မန်ဒိုဇာ အတွက် အပြိုင်အဆိုင် ဖြစ်နေတယ်လို့ သိရပါတယ်။ အဲလ်ချီ ကွင်းလယ် ကစားသမား ကတော့ ပေါင် ၁၇.၆ သန်းခန့် (ဒေါ်လာ ၂၃ သန်း) ဝန်းကျင်နဲ့ စာချုပ် ဖျက်သိမ်းကြေး ရှိတယ်လို့ ယုံကြည်ရပါတယ်။ ဒီကစားသမား ကိုတော့ ဆက်စ် ဖာဘရီဂက်စ်ရဲ့ အမွေဆက်ခံသူ အဖြစ် ချီးကျူးခံထားရပါတယ်။
လက်ရှိ ကာလ အတွင်း ဂန်းနားတွေ ကတော့ ဘူကာယို ဆာကာနဲ့ စာချုပ်သစ်ချုပ်ဆိုဖို့ နီးကပ်နေပြီ ဖြစ်ကြောင်း သိရပါတယ်။ ဆွေးနွေးမှုတွေ ကတော့ နောက်ဆုံး အဆင့်မှာ ရောက်ရှိနေပြီး ဆာကာ အနေနဲ့ ၂၀၃၀ ခုနှစ် ဇွန်လ အထိ အမ်းမရိတ်စ်မှာ ဆက်ရှိနေဖို့ များနေပါတယ်။
အဲဗာတန် ကတော့ ကွင်းလယ်ပိုင်းကို ပြန်လည် ပြုပြင် မွမ်းမံဖို့ စီစဉ်နေတာကြောင့် အီဒရစ်ဆာ ဂူရီကို ၎င်းရဲ့ စာချုပ်သက်တမ်း ကုန်ဆုံးချိန်မှာ အသင်း ကနေ ထွက်ခွာဖို့ စီစဉ်ထားကြောင်း သိရပါတယ်။ ဂူရီနဲ့ ဂျိမ်းစ် ဂါနာ တို့ကတော့ ဒေးဗစ် မွိုက်စ် လက်ထက်မှာ ပွဲထွက်ခွင့် တော်တော်လေး ရခဲ့ကြပြီး သူတို့ရဲ့ နေရာ မှာတော့ စကော့တ် မက်တော်မီနေးနဲ့ အစားထိုးဖို့ ရေပန်းစားနေပါတယ်။
မန်ချက်စတာယူနိုက်တက် ကတော့ ဂျော်ရွှာ ဇစ်ခ်ဇီးကို လာမယ့် ဆောင်းရာသီမှာ ထွက်ခွာခွင့်ပြုဖို့ ဆန္ဒရှိနေပါတယ်။ ရိုးမားက နယ်သာလန်သားကို စီးရီးအေဆီ ပြန်လည် ခေါ်ယူဖို့ စိတ်ဝင်စားနေပြီး အငှားနဲ့ အရင်ဆုံး ခေါ်ယူဖို့ စီစဉ်နေပါတယ်။ ရိုးမား အနေနဲ့ လာမယ့် ရာသီ ချန်ပီယံလိဂ် ဝင်ခွင့်ရရင်တော့ ဇစ်ခ်ဇီးကို အပြီးသတ် ခေါ်ယူဖွယ် ရှိနေပါတယ်။
အင်တာမီလန် ကတော့ အက်စတွန်ဗီလာ ဂိုးသမား အမ်မီလီယာနို မာတီနက်ဇ်ကို ပြန်လည် စိတ်ဝင်စားလာခဲ့ကြောင်း သိရပါတယ်။ ယန်း ဆွမ်မားဟာ အင်တာမီလန်နဲ့ စာချုပ်သက်တမ်းတိုးဖို့ ရှိနေပေမယ့် လက်ရှိအချိန်ထိ အဆင်မပြေ ဖြစ်နေသေးကြောင်း သိရပါတယ်။ ပရီးမီးယားလိဂ် ကလပ် ကတော့ ၂၀၂၃ ခုနှစ်မှာ အင်တာမီလန်ရဲ့ ချဉ်းကပ်မှုကို ငြင်းပယ်ခဲ့ဖူးကြောင်း သိရပါတယ်။
ဖရန့်ဖတ် ကတော့ ဘရန့်ဖို့ဒ် ကွင်းလယ် ကစားသမား ဗိုင်တယ်လီ ဂျနဲလ်ကို ခေါ်ယူဖို့ စိတ်ဝင်စားနေကြောင်း သိရပါတယ်။ အသက် ၂၇ နှစ် အရွယ် အဆိုပါ ကစားသမား ကတော့ ပျားတွေနဲ့ စာချုပ်သစ် ချုပ်ဆိုဖို့ သဘောတူညီမှု မရသေးပဲ ညှိနှိုင်းမှုတွေ မအောင်မြင်ခဲ့ရင်တော့ ဇန်နဝါရီလမှာ အသင်းပြောင်းရွှေ့ဖွယ် ရှိနေပါတယ်။
လာမယ့် ဆောင်းရာသီမှာ အသင်းကို အင်အား ဖြည့်တင်းမှုတွေ ပြုလုပ်ဖို့ စီစဉ်နေတဲ့ ဝက်စ်ဟမ်းက နော့ဝှစ်ချ်စီးတီး တိုက်စစ်မှူး ဂျော့ရှ် ဆားဂျန့်ကို စောင့်ကြည့်နေပါတယ်။ အမေရိကန် လက်ရွေးစင် အသင်း ကနေ အနားယူထားတဲ့ ကစားသမားဟာ ချန်ပီယံရှစ်မှာ ၅ ဂိုး သွင်းယူထားပြီး ၂ ကြိမ် ဖန်တီးထားပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
