ဘန်လေကို အနိုင်ရခဲ့တာက မန်ချက်စတာယူနိုက်တက် အတွက် နိုင်ငံတကာ ပွဲတွေ မစခင် အရေးကြီးတဲ့ အချိန်ကို ရောက်ရှိလာပြီ ဖြစ်ကြောင်း နည်းပြ ရူဘင် အမော်ရင်က ယုံကြည်နေပါတယ်။ ဒါ့အပြင် ဒီပရီးမီးယားလိဂ် နိုင်ပွဲက သူတို့ကို အကူအညီပေးခဲ့ပြီး အခွင့်အရေးတွေ အများကြီးနဲ့ အချိန် နှစ်ပတ် ရရှိခဲ့ပြီ ဖြစ်ကြောင်းလည်း ပြောကြားခဲ့ပါတယ်။
မန်ချက်စတာယူနိုက်တက်ဟာ မနေ့ညက ကစားခဲ့တဲ့ ပရီးမီးယားလိဂ် ပွဲစဉ်မှာ ဘန်လေကို အနိုင်ရခဲ့ပေမယ့်လည်း အနိုင် ၃ မှတ် ရရှိဖို့ ရုန်းကန်ခဲ့ရတာ ဖြစ်ပါတယ်။ ပြိုင်ဘက် ကစားသမားရဲ့ OG နဲ့ ပွဲကို ဦးဆောင်နိုင်ခဲ့ပေမယ့် ချေပဂိုး ပြန်ပေးခဲ့ရသလို အမ်ဘူမိုရဲ့ ဂိုးနဲ့ ထပ်မံ ဦးဆောင်နိုင်ခဲ့ပေမယ့်လည်း ချေပဂိုး ထပ်ပေးခဲ့ရတာကြောင့် ပွဲချိန် မိနစ် ၉၀ ကျော်တဲ့ အထိ ၂-၂ ရလဒ် ထွက်ပေါ်နေခဲ့တာပါ။ ဒါပေမယ့်လည်း ၉၀+၇ မိနစ် မှာတော့ ယူနိုက်တက်တို့ အဖိုးတန် ပင်နယ်တီ ရရှိခဲ့ပြီး ဘရူနို ဖာနန်ဒက်စ်က ဝင်အောင် ကန်သွားနိုင်ခဲ့လို့သာ ဒီရာသီ အတွက် ပထမဦးဆုံး နိုင်ပွဲ ရရှိခဲ့တာ ဖြစ်ပါတယ်။
ဒီပွဲမတိုင်ခင် ယူနိုက်တက်ဟာ ပြီးခဲ့တဲ့ ပွဲတွေမှာ ရလဒ်တွေ ဆိုးရွားခဲ့တာကြောင့် နည်းပြ အမော်ရင် အနေနဲ့ ထုတ်ပယ်ခံရဖို့ ရေပန်းစားနေခဲ့တာ ဖြစ်ပါတယ်။ ဒါပေမယ့်လည်း ယူနိုက်တက် အနေနဲ့ ဘန်လေကို အနိုင်ရလိုက်တာကြောင့် နည်းပြနဲ့ အသင်း အတွက် အတိုင်းအတာ တစ်ခု အထိ ဖိအားတွေ လျော့ချနိုင်ခဲ့ပြီလို့ ဆိုရပါမယ်။
ဘန်လေကို အနိုင်ရပြီးနောက် မှာတော့ နည်းပြ ရူဘင် အမော်ရင်က အခုလိုပဲ ပြောကြားလာခဲ့ပါတယ်။ “ဒါက ၃ မှတ်ပါ။ ပွဲကို ကြည့်မယ် ဆိုရင် ပထမပိုင်းမှာ ကတည်းက ပွဲကို ဖြေရှင်းပြီး ထိန်းချုပ်နိုင်ခဲ့သင့်ပါတယ်။ ဒါဟာ ဘယ်တော့မှ မလွယ်ကူခဲ့ပါဘူး။ နောက်ဆုံး မိနစ်အထိ တိုက်ပွဲဝင်ဖို့ ကြိုးစားရမယ်။ ကျွန်တော့် အထင်တော့ ကျွန်တော်တို့က အလွန်အကြူး ရှုပ်ထွေးနေတယ်လို့ ထင်ပါတယ်။” လို့ ဆိုပါတယ်။
“ကျွန်တော့် အတွက် အရေးကြီးဆုံး အရာက ဘာပဲဖြစ်ဖြစ်နေနေ ကျွန်တော်တို့ ကြိုးစားဖို့ ဖြစ်ပါတယ်။ တစ်ခါတလေမှာ ကျွန်တော်တို့ ကောင်းကောင်း ကစားတယ်၊ အရမ်း ဖွင့်ကစားတယ်။ အရမ်း မြန်လွန်းတယ်။ ဘောလုံး ပိုင်ဆိုင်မှုတွေ ဆုံးရှုံးတယ်၊ ဒါပေမယ့် အဲဒီမှာ ကြိုးစားမှု ရှိနေပါတယ်။”
“အခု သီတင်း နှစ်ပတ် ရှိနေလို့ ဒါက ကျွန်တော် တို့ကို ကူညီပေးမှာပါ။ အခွင့်အလမ်းတွေ အများကြီးရှိတဲ့ နှစ်ပတ်ကို စိတ်ကူးကြည့်လိုက်ပါ။ ဖူလ်ဟမ်နဲ့ အစပိုင်းမှာရော ပြီးတော့ အာဆင်နယ်နဲ့ ပွဲမှာလည်း အတူတူပါပဲ၊ နောက်ဆုံး မိနစ် အထိ ကျွန်တော်တို့ ကြိုးစားခဲ့ပြီး နိုင်ပွဲ တစ်ပွဲမှ မရခဲ့ပါဘူး။ ဒါက အသင်း အတွက် ခက်ခဲပါလိမ့်မယ်။ အရေးလည်း ကြီးပါတယ်။” လို့ အမော်ရင်က ပြောပါတယ်။
မန်ချက်စတာယူနိုက်တက် ကတော့ ပရီးမီးယားလိဂ် ပွဲစဉ် ၃ ပွဲ ကစားပြီးချိန်မှာ ရမှတ် ၄ မှတ်နဲ့ အဆင့် ၉ နေရာ အထိ တက်လှမ်းလာနိုင်ခဲ့ပါတယ်။ ဒီတစ်ပတ် ပြီးရင်တော့ နိုင်ငံတကာ ပွဲစဉ် ရက်သတ္တပတ် ရှိတာကြောင့် ၂ ပတ် နားမှာ ဖြစ်ပြီး စက်တင်ဘာလ ၁၄ ရက်မှာတော့ ယူနိုက်တက်ဟာ မန်စီးတီးနဲ့ ကစားရမှာ ဖြစ်ပါတယ်။ အဲဒီနောက် စက်တင်ဘာလ ၂၀ ရက်နေ့မှာ ချဲလ်ဆီးနဲ့ ဆက်လက် တွေ့ဆုံရဦးမှာ ဖြစ်ပြီး ယူနိုက်တက် အတွက်တော့ ခက်ခဲတဲ့ အချိန်တွေကို ဆက်တိုက် ကျော်ဖြတ်ရမှာ ဖြစ်ပါတယ်။
ဆက်လက်ပြီး အမော်ရင်က “ကျွန်တော်တို့ အနိုင်ရခဲ့ပေမယ့် ကျွန်တော်တို့မှာ လုပ်စရာတွေ အများကြီး ရှိနေပါသေးတယ်။ နိုင်ပွဲ ရရှိခဲ့ပေမယ့်လည်း ယူနိုက်တက်ဟာ ခြေစွမ်းပိုင်းမှာတော့ အားနည်းချက် များစွာ ရှိနေဆဲ ဖြစ်ပြီး မားသီးယက်စ် ကူညာနဲ့ မေဆန် မောင့်တို့ ဒဏ်ရာရသွားခဲ့တာကြောင့်လည်း နစ်နာခဲ့ရပါတယ်။ ဒီကစားသမား နှစ်ဦးရဲ့ ဒဏ်ရာ အခြေအနေနဲ့ ပတ်သတ်ပြီးတော့ အမော်ရင် အနေနဲ့ လက်ရှိ အချိန်မှာ အသေအချာ မပြောနိုင်သေးကြောင်း ဖွင့်ဟထားပါတယ်။
“ကူညာနဲ့ မေဆန်မောင့် တို့ကို ဆုံးရှုံးလိုက်ရတာက ခက်ခဲပါတယ်။ ပြီးတော့ မေဆန် မောင့်က ဒဏ်ရာကြီးနဲ့ မိနစ် ၃၀ ကစားခဲ့တာပါ။ သူတို့ ဘယ်လိုနေလဲ မသိသေးဘူး။ အရင်ဆုံး စစ်ဆေးရဦးမယ်။ ကျွန်တော်တို့ သူတို့လို တိုက်ပွဲဝင်စိတ် ပြင်းထန်တဲ့ ကစားသမားတွေ လိုအပ်ပါတယ်။” လို့ အမော်ရင်က ဆိုပါတယ်။
တစ်ဖက် မှာလည်း ပြိုင်ဘက် ဘန်လေ နည်းပြ စကော့တ် ပါကား ကတော့ သူတို့ အသင်း ရှုံးနိမ့်ခဲ့ပေမယ့် ဂုဏ်ယူကြောင်း အခုလိုပဲ ပြောလာပါတယ်။ “ဒီအသင်း အတွက် ဂုဏ်ယူမိပါတယ်။ ပထမပိုင်းမှာ ကျွန်တော်တို့ ရုန်းကန်ခဲ့ရပါတယ်။ ဒုတိယပိုင်း ကိုလည်း ကျွန်တော်တို့ ဖြည်းညှင်းစွာ စတင်ခဲ့ပေမယ့် ကျွန်တော်တို့ ပွဲထဲမှာပဲ ဆက်ရှိနေခဲ့ပါတယ်။”
“ပထမပိုင်း ပြီးချိန်မှာ ကျွန်တော်တို့ တစ်ကြိမ်၊ နှစ်ကြိမ်လောက် အပြောင်းအလဲ လုပ်ခဲ့ပြီး တုံ့ပြန်မှု အတွက် ကျွန်တော် အလွန်ပဲ ဂုဏ်ယူမိပါတယ်။ အဲဒီ ဒုတိယပိုင်း မှာတော့ ကျွန်တော်တို့ ခံစားချက်၊ ကြိုးစားမှုနဲ့ အရည်အသွေးကို ပြသနိုင်ခဲ့ပါတယ်။ ဒီရာသီရဲ့ ပထမဦးဆုံး ၃ ပွဲက ကျွန်တော်တို့ ဒီလိဂ်မှာ ယှဉ်ပြိုင်နိုင်တယ် ဆိုတာကို ပြသနိုင်ခဲ့တာ ဖြစ်ပါတယ်။” လို့ ပြောကြားခဲ့ပါတယ်။
တန်းတက် ဘန်လေ ကတော့ ပရီးမီးယားလိဂ် ပွဲစဉ် ၃ ပွဲ ကစားပြီးချိန်မှာ ၁ ပွဲနိုင်၊ ၂ ပွဲရှုံး၊ ရမှတ် ၃ မှတ်နဲ့ အဆင့် ၁၂ နေရာမှာ ရပ်တည်နေပါတယ်။ ဘန်လေ ဟာလည်း နိုင်ငံတကာ ပွဲစဉ်တွေ အပြီးမှာ ပရီးမီးယားလိဂ် လက်ရှိ ချန်ပီယံ လစ်ဗာပူးလ်ကို တက်ဖ်မောမှာ ဧည့်ခံကစားရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
