အခုတစ်ခါမှာတော့ နိုဝင်ဘာလ ၉ ရက်နေ့ အတွက် ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
လစ်ဗာပူးလ် ကတော့ ဇန်နဝါရီ အပြောင်းအရွှေ့ကာလမှာ ဘုန်းမောက် တိုက်စစ်မှူး အန်တိုနီ ဆီမီညိုကို ပေါင် ၆၅ သန်း (ဒေါ်လာ ၈၅.၃ သန်း) နဲ့ ကမ်းလှမ်းမှု ပြုလုပ်ခဲ့ကြောင်း indykalia က ဖော်ပြပါတယ်။ ဆီမီညို ကိုတော့ ပရီးမီးယားလိဂ် ထိပ်တန်း ကလပ် တော်တော်များများက ပြီးခဲ့တဲ့ အပြောင်းအရွှေ့တွေ ကတည်းက ခေါ်ယူချင်နေခဲ့တာ ဖြစ်ပါတယ်။
မန်ချက်စတာစီးတီးနဲ့ ရီးရဲလ်မက်ဒရစ် တို့ဟာ လစ်ဗာပူးလ် ကွင်းလယ်လူ ဒေါမနစ် ဆိုဘို့ဇ်လိုင်းကို ခေါ်ယူဖို့ စိတ်ဝင်စားနေပါတယ်။ လက်ရှိမှာတော့ လစ်ဗာပူးလ်နဲ့ သူ့ရဲ့ စာချုပ် အခြေအနေကြောင့် အသင်း တာဝန်ရှိသူတွေက စိုးရိမ်ပူပန်နေကြပါတယ်။
ရာသီကုန်မှာ စာချုပ်သက်တမ်းကုန်ဆုံးတော့မယ့် အေစီမီလန် ဂိုးသမား မိုက်ခ် မိုက်ဂ်နွန်ဟာ နွေရာသီမှာ ချဲလ်ဆီးကို ပြောင်းရွှေ့ဖို့ “ ခိုင်မာစွာ ကတိပြု” ထားပေမယ့် ဘေယန်မြူးနစ်နဲ့ ဂျူဗင်တပ်စ် နှစ်သင်းစလုံး အတွက် တံခါးဖွင့်ထားဆဲ ဖြစ်ကြောင်း Gazzetta dello Sport က ဖော်ပြပါတယ်။
ပရီးမီးယားလိဂ် ကလပ် အက်စတွန်ဗီလာ ကတော့ အသင်း တော်တော်များများရဲ့ စိတ်ဝင်စားခြင်းခံနေတဲ့ မော်ဂန် ရော်ဂျာစ်ရဲ့ စာချုပ်ကို ၂၀၃၁ ခုနှစ်အထိ သက်တမ်းတိုးဖို့ သဘောတူညီမှု ရရှိခဲ့ပါတယ်။
မန်ချက်စတာယူနိုက်တက် ကတော့ အက်စတွန်ဗီလာ ကနေ အငှားစာချုပ် ပြည့်ချိန်မှာ အသင်းထံ ပြန်လာမယ့် တောင်ပံကစားသမား ဂျေဒန် ဆန်ချိုကို နောက်နွေရာသီမှာ အလွတ် ပြောင်းရွှေ့ကြေးနဲ့ ထွက်ခွာခွင့်ပြုဖို့ ဆုံးဖြတ်ခဲ့ပါတယ်။ ဆန်ချိုဟာ ယူနိုက်တက်နဲ့ နောက်ထပ် ၁၂ လ သက်တမ်းတိုးခွင့်တော့ ရှိနေဆဲ ဖြစ်ပါတယ်။
ဗလင်စီယာ ကတော့ ကွင်းလယ် ကစားသမား ဂျာဗီ ဂွါရာ အတွက် ယူရို ၂၀ သန်း (ပေါင် ၁၇.၆ သန်း၊ ဒေါ်လာ ၂၃.၁ သန်း) တန် ကမ်းလှမ်းမှုတွေကို နားထောင်ဖို့ အဆင်သင့် ရှိနေပါတယ်။ ဒီကစားသမားကို အာဆင်နယ် ကလည်း ကမ်းလှမ်းဖို့ အဆင်သင့် ရှိနေပါတယ်။
အဲလ် အာလီ တိုက်စစ်မှူး အိုင်ဗန် တိုနေး ကတော့ လာမယ့် ဇန်နဝါရီ အပြောင်းအရွှေ့ကာလ အတွက် တော့တင်ဟမ်ဟော့စပါးရဲ့ ထိပ်တန်း တိုက်စစ်မှူး ပစ်မှတ် ဖြစ်လာနိုင်ကြောင်း သိရပါတယ်။ ဒါပေမယ့် တိုနေးကို ခေါ်ယူဖို့ အတွက် ဆိုရင်တော့ စပါးက ဒေါမနစ် ဆိုလန်ကီ သို့မဟုတ် ရစ်ချာလီဆင်ကို ရောင်းချနိုင်မှသာ သဘောတူညီချက် ရရှိနိုင်မှာ ဖြစ်ပါတယ်။
နယူးကာဆယ် ကွင်းလယ်လူ ဆန်ဒရို တိုနာလီ ကတော့ သူ့ရဲ့ သူငယ်ချင်းတွေကို အိမ်လွမ်းနေပြီး ၂၀၂၆ ခုနှစ်လောက်မှာ အီတလီကို ပြန်ချင်ကြောင်း ပြောပြခဲ့ပါတယ်။
မန်ချက်စတာယူနိုက်တက် ကွင်းလယ်လူ ကိုဘီ မိန်းနူးကို နာပိုလီထံ အငှားချဖို့ များနေပြီး ဒီကစားသမားကို သဘောတူညီချက် ရဖို့ ကြိုးစားနေတဲ့ အသင်းပေါင်း ၉ သင်းထက် မနည်း ရှိနေပါတယ်။ မိန်းနူး ကိုတော့ ချဲလ်ဆီး၊ အဲဗာတန်၊ လိဒ်စ်ယူနိုက်က်၊ မန်စီးတီး၊ နယူးကာဆယ်၊ တော့တင်ဟမ်ဟော့စပါး၊ အက်တလက်တီကိုမက်ဒရစ်၊ ဘာစီလိုနာနဲ့ ရီးရဲလ်မက်ဒရစ် တို့က ခေါ်ယူချင်နေပါတယ်။
ဝက်စ်ဟမ်း ကတော့ ဇန်နဝါရီလမှာ ကွင်းလယ်လူ လူးကပ်စ် ပက်ကေးတားကို ရောင်းချမှာ မဟုတ်ပါဘူး။ ဘရာဇီးလ် လက်ရွေးစင် ကစားသမား ကလည်း ချက်ချင်း ထွက်ခွာလိုခြင်း မရှိကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
