စပိုတင်းလစ္စဘွန်း နောက်ဆုံး ရရှိတဲ့ သတင်းတွေအရ ဆိုရင်တော့ ဗစ်တာ ယိုကီးရက်စ်နဲ့ ဘင်ဂျာမင် ဆက်စ်ကို တို့ နှစ်ဦးစလုံးဟာ ပရီးမီးယားလိဂ် ကလပ် အာဆင်နယ် ကိုသာ ပြောင်းရွှေ့ဖို့ စိတ်အားထက်သန်နေတယ်လို့ သိရပါတယ်။ အာဆင်နယ် ကလည်း ကစားသမား နှစ်ဦးစလုံးကို တပြိုင်နက် ဆွေးနွေးနေတယ်လို့ သိရပေမယ့် နှစ်ဦးထဲက တစ်ဦး ကိုသာ ခေါ်ယူသွားမှာ ဖြစ်ပါတယ်။
စပိုတင်းလစ္စဘွန်း တိုက်စစ်မှူး ဗစ်တာ ယိုကီးရက်စ်ဟာ ပြီးခဲ့တဲ့ ရက်က မန်ချက်စတာယူနိုက်တက်ရဲ့ ကမ်းလှမ်းမှုကို ပယ်ချခဲ့သလို ဘင်ဂျာမင် ဆက်စ်ကို ကလည်း ဆော်ဒီပရိုလိဂ် ကလပ် ၂ သင်းရဲ့ ကမ်းလှမ်းမှုကို ပယ်ချထားခဲ့ပါတယ်။ ဗစ်တာ ယိုကီးရက်စ်ဟာ နည်းပြဟောင်း ရူဘင် အမော်ရင်နဲ့ ပြန်လည် ပေါင်းစည်းခွင့် ရမယ့် အခွင့်အရေးကို လက်လွှတ်ခဲ့တာ ဖြစ်ပြီးတော့ ချန်ပီယံလိဂ် ဝင်ခွင့်ရတဲ့ အသင်းကို ပြောင်းရွှေ့ချင်တဲ့ သူ့ရဲ့ ယခင် ဆုံးဖြတ်ချက် အတိုင်းပဲ ရှိနေခဲ့တာ ဖြစ်ပါတယ်။ ယူနိုက်တက် ကတော့ အာဆင်နယ်နဲ့ အဆင်မပြေခဲ့ရင် ယိုကီးရက်စ်ကို ခေါ်ယူဖို့ အတွက် မျှော်လင့်ချက်ထားနေဆဲ ဖြစ်ပေမယ့် ဒီအပြောင်းအရွှေ့မှာ ဂန်းနားတွေ ကတော့ ခြေတစ်လှမ်းသာ သွားခဲ့ပြီ ဖြစ်ပါတယ်။
အသက် ၂၆ နှစ် အရွယ် ဆွီဒင် တိုက်စစ်မှူးဟာ စပို့တင်းလစ္စဘွန်း အတွက် ပထမရာသီမှာ ၄၃ ဂိုး သွင်းယူခဲ့သလို ဒုတိယ ရာသီမှာလည်း ၅၇ ဂိုး အထိ သွင်းယူနိုင်ခဲ့ပါတယ်။ ဒါကြောင့် ယူနိုက်တက်က အသင်းရဲ့ တိုက်စစ်ပိုင်း အတွက် ယိုကီးရက်စ်ကို ယုံကြည်စိတ်ချရတဲ့ ကစားသမား အဖြစ် သတ်မှတ်ထားခဲ့တာ ဖြစ်ပါတယ်။ ပေါ်တူဂီ သတင်းဌာန Record ရဲ့ ဖော်ပြချက်အရ ယူနိုက်တက်ဟာ ပြီးခဲ့တဲ့ သီတင်းပတ် အတွင်း ယိုကီးရက်စ်ရဲ့ ကိုယ်စားလှယ်တွေနဲ့ အကြိမ်ကြိမ် ဆွေးနွေးခဲ့တယ်လို့ သိရပါတယ်။ တရားဝင် ကမ်းလှမ်းမှုတွေ မရှိခဲ့သည့် တိုင်အောင် ယိုကီးရက်စ်ကို ခေါ်ယူဖို့ ယူနိုက်တက်က ကြိုးပမ်းနေခဲ့တာ ကတော့ အသေအချာပဲ ဖြစ်ပါတယ်။ ဒါပေမယ့်လည်း ယူနိုက်တက် အနေနဲ့ ချန်ပီယံလိဂ် ဝင်ခွင့် မရရှိခဲ့တာ အပြင် ဆာဂျင်မ် ရက်ကလစ်ဖ်ရဲ့ ဦးဆောင်မှု အောက်မှာ ကလပ်ရဲ့ အနာဂတ် စီမံကိန်းက မသေချာတာကြောင့် ယိုကီးရက်စ်ဟာ ယူနိုက်တက်ကို လစ်လျူရှုထားခဲ့တာ ဖြစ်နိုင်ပါတယ်။
တစ်ဖက် မှာလည်း ပရီးမီးယားလိဂ် ကလပ် အာဆင်နယ်က ယိုကီးရက်စ် အပေါ် အာရုံစိုက်မှု တိုးတက်လာခဲ့ပေမယ့် ဘင်ဂျမင် ဆက်စ်ကို အတွက် လိုက်ပ်ဇစ်နဲ့ ဆွေးနွေးနေဆဲ ဖြစ်ပါတယ်။ မီခဲလ် အာတေးတားဟာ ယိုကီးရက်စ်ထက် ဆက်စ်ကို ကို ပိုသဘောကျနေပြီးတော့ သူရဲ့ ထိပ်တန်း တိုက်စစ်မှူး အဖြစ် ဆက်လက် သတ်မှတ်ထားဆဲ ဖြစ်ကြောင်း သိရပါတယ်။ နာမည်ကျော် သတင်းထောက်တွေ ကတော့ အာဆင်နယ် အနေနဲ့ ဘယ်သူ့ကို ခေါ်မလဲ ဆိုတာ လာမယ့် ရက်သတ္တပတ် အတွင်း အဖြေပေါ်လိမ့်မယ်လို့ ဖော်ပြထားပါတယ်။
ကစားသမားနဲ့ နီးစပ်သူတဲ့ အသိုင်းအဝိုင်းက သိရှိရတာ အရ အမ်းမရိတ်စ်ဟာ ယိုကီးရက်စ်ရဲ့ အမြဲတမ်း နှစ်သက်ရာ နေရာ ဖြစ်ခဲ့တယ်လို့ သိရပါတယ်။ စပိုတင်းလစ္စဘွန်း ကတော့ အခြေခံ ပြောင်းရွှေ့ကြေး ယူရို ၅၅ သန်းနဲ့ စွမ်းဆောင်ရည် အပေါ် မူတည်ပြီး ထပ်ဆောင်း ယူရို ၁၀သန်း ပါဝင်တဲ့ အာဆင်နယ်ရဲ့ ကနဦး ကမ်းလှမ်းချက်ကို ပယ်ချထားခဲ့တယ်လို သိရပါတယ်။ ပေါ်တူဂီ ကလပ်ဟာ ယိုကီးရက်စ် အတွက် ယူရို သန်း ၈၀ လိုချင်နေသလို တစ်ဖက် မှာလည်း လိုက်ပ်ဇစ်က ဆက်စ်ကို အတွက် ယူရို သန်း ၈၀ အထိ တိုးလိုချင်နေပြီး အာဆင်နယ် အနေနဲ့ ဘယ်ကစားသမားနဲ့ အပြောင်းအရွှေ့ အတွက် ညှိနှိုင်းမှု အဆင်ပြေသွားမလဲ ဆိုတာ စောင့်ကြည့်ရမှာ ဖြစ်ပါတယ်။
တစ်ခု ရှိတာက ယိုကီးရက်စ်ဟာ ဧရိယာ အတွင်း ဂိုးသွင်းယူနိုင်မှု အားကောင်းပေမယ့် သူ့ရဲ့ သွင်းဂိုး အများစုဟာ ပေါ်တူဂီလိဂ်မှာ ရရှိခဲ့တာ ဖြစ်ပါတယ်။ ဆွီဒင်သားဟာ ပေါက်ကွဲအား ကောင်းကောင်းနဲ့ ဂိုးတွေ သွင်းယူတတ်သူ ဖြစ်ပေမယ့် အသက် ၂၇ နှစ် ရှိနေတာက လူငယ်တွေကို ဦးစားပေးတတ်တဲ့ အာတေးတားရဲ့ အသင်း အတွက် စဉ်းစားစရာ ဖြစ်နေပါတယ်။ တစ်ဖက်မှာ ဆက်စ်ကို ကတော့ အရပ်အမောင်းကောင်းပြီး အမြင့်ဘောတွေ အတွက် စိတ်ချရနိုင်သလို ဦးနှောက်သုံးပြီး ကစားတတ်တဲ့ တိုက်စစ်မှူး ဖြစ်ပါတယ်။ အသက် ကလည်း ၂၂ နှစ်သာ ရှိသေးသလို အသင်းရဲ့ ကစားပုံနဲ့ လိုက်ပါ စီးမြောနိုင်တာကြောင့် အာတေးတားက ဆက်စ်ကိုကို ပိုပြီး သဘောကျနေတာ ဖြစ်နိုင်ပါတယ်။ ဒါပေမယ့်လည်း ဆက်စ်ကိုဟာ ဘွန်ဒက်စ်လီဂါက လာမယ့် ကစားသမား ဖြစ်ပါတယ်။ သူ့ထက်အရင် ဂျာမနီက လာတဲ့ ကစားသမားတွေဟာ ပရီးမီးယားလိဂ် ရောက်ရင် ငုပ်လျှိုးသွားတတ်တဲ့ အစဉ်အလာ ကလည်း ရှိနေပါသေးတယ်။ ဒီလို အကောင်းရော အဆိုးပါ ဒွန်တွဲနေတဲ့ တိုက်စစ်မှူး နှစ်ဦးစလုံးက လက်ရှိမှာ အာဆင်နယ်မှ အာဆင်နယ် ဖြစ်နေတော့ အန်ဒရီယာ ဘာတာရော၊ မီခဲလ် အာတေးတား အတွက်ပါ သေချာ စဉ်းစား ရွေးချယ်ရဖို့တော့ ရှိလာခဲ့ပါပြီ။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
