ပရီးမီးယားလိဂ် အခုတစ်ပတ် ပရီးမီးယားလိဂ် ပွဲစဉ် ၁၆ မှာတော့ ပရိသတ် စိတ်ဝင်စားမှု အများဆုံး အဖြစ် မန်ချက်စတာဒါဘီ ပွဲစဉ် ရှိနေပါတယ်။ လက်တလောမှာ ရုန်းကန်နေရတဲ့ မန်ချက်စတာ နှစ်သင်းရဲ့ အားပြိုင်မှုမှာ ဘယ်အသင်းက အသာရသွားမလဲ ဆိုတာ စိတ်ဝင်တစား စောင့်ကြည့်နေကြတာ ဖြစ်ပါတယ်။
ဒီအချိန်မှာ ယူနိုက်တက် အသင်း ခေါင်းဆောင် ကွင်းလယ်လူ ဘရူနို ဖာနန်ဒက်စ်က မနက်ဖြန်မှာ ကစားသွားရမယ့် ပရီးမီးယားလိဂ် မန်ချက်စတာဒါဘီ ပွဲစဉ်နဲ့ ပတ်သက်ပြီး ဖာနန်ဒက်စ်က ဖွင့်ဟ ပြောဆိုလာခဲ့တာ ဖြစ်ပါတယ်။ ဖာနန်ဒက်စ်က ပြိုင်ဘက် မန်စီးတီး လက်ရှိ ကြုံတွေ့နေရတဲ့ ရလဒ်တွေ အပေါ် လစ်လျူရှုထားပြီးတော့ ကိုယ့်အသင်း အပေါ် မှာသာ အပြည့်အဝ အာရုံစိုက်ထားရမှာ ဖြစ်ကြောင်း တိုက်တွန်း ပြောဆိုသွားခဲ့တာ ဖြစ်ပါတယ်။
ဖာနန်ဒက်စ်က“သူတို့ အသင်းက လက်ရှိမှာ ဘယ်လိုပဲ ဖြစ်နေနေ ဒါဟာ ကျွန်တော်တို့ အတွက်တော့ ဘာမှ မပြောင်းလဲပါဘူး။ ဘာကြောင့်လဲ ဆိုတော့ ကျွန်တော် တို့က ကိုယ့်အသင်း ကိုပဲ စဉ်းစား တွေးတောနေရမှာ ဖြစ်လို့ပါပဲ။ ဒါက မန်စီးတီးနဲ့ ကြီးမားတဲ့ ဒါဘီ ပွဲကြီး ဆိုတာကို ကျွန်တော်တို သိထားပါတယ်။ ဒီပွဲက ကျွန်တော်တို့ အသင်းရဲ့ ပရိသတ်တွေ အတွက် အဓိပ္ပါယ် ရှိသလို ကျွန်တော် တို့လို ကစားသမားတွေ အတွက်လည်း အဓိပ္ပါယ် များစွာ ရှိနေပါတယ်။ ဒါကြောင့် ကျွန်တော်တို့ အနေနဲ့ ဘာကိုမှ တွေးတောနေစရာ မလိုအပ်ပဲ ပွဲကို သေချာ ကစားပြီး နိုင်ပွဲ ရယူသွားဖို့သာ လိုအပ်ပါတယ်။ ဒီပွဲက ကြီမားပြီးတော့ သူတို့ အသင်း မှာလည်း ကစားသမားကောင်းတွေ ရှိနေပါတယ်။” လို့ ပြောကြားသွားခဲ့ပါတယ်။
ဆက်လက်ပြီး ဖာနန်ဒက်စ်က“အခု သူတိုက ပရိသတ်တွေ မျှော်ထင့်ထားသလောက် နိုင်ပွဲတွေ မရပဲ ဖြစ်နေပါတယ်။ ဒါပေမယ့် သူတို့ အသင်းရဲ့ အခြေအနေက အရေးမကြီးပါဘူး။ ကျွန်တော် တို့တွေ ကိုယ်ကို ကိုယ်ပဲ စဉ်းစားရပါမယ်။ ပွဲကို အနိုင်ရဖို့နဲ့ သူတို့ကို ဘယ်လို ဒုက္ခပေးနိုင်မလဲ ဆိုတာ ကိုပဲ အာရုံစိုက်သွားရပါမယ်။” လို့ ပြောကြား သွားခဲ့ပါတယ်။ မန်ချက်စတာစီးတီးနဲ့ မန်ချက်စတာယူနိုက်တက် တို့ဟာ ၁၉၅ ကြိမ်မြောက် မန်ချက်စတာဒါဘီ ပွဲစဉ်ကို ဆင်နွှဲကြရတော့မှာ ဖြစ်ပြီးတော့ ဒီပွဲ မတိုင်ခင်မှာ မန်စီးတီး က နောက်ဆုံး ကစားထားတဲ့ ပြိုင်ပွဲစုံ ၁၀ ပွဲ အတွင်း ရှုံးပွဲ ၁၀ ပွဲ အထိ ရှိထားပါတယ်။ တစ်ဖက်မှာ ယူနိုက်တက် ကလည်း ပရီးမီးယားလိဂ် ၂ ပွဲဆက် ရှုံးပွဲ ကြုံထားတာ ဖြစ်ပါတယ်။ မန်ချက်စတာ နှစ်သင်းစလုံးက လက်ရှိမှာ ခြေစွမ်းပိုင်း ယိမ်းယိုင်နေပြီး နောက်ဆုံး ၁၀ ပွဲ မှာ နိုင်ပွဲ ၁ ပွဲသာ ရထားတဲ့ မန်စီးတီးရဲ့ အခြေအနေက ပိုပြီး ဆိုးရွားနေတာ ဖြစ်ပါတယ်။ ဒါပေမယ့် ဘရူနို ဖာနန်ဒက်စ် ကတော့ ကိုယ့်အသင်းရဲ့ အခြေအနေ အပေါ် မှာသာ အာရုံစိုက်ထားရမယ်လို ပြောဆိုလာခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
