ပရီးမီးယားလိဂ် အပါအဝင် ဥရောပ ထိပ်တန်းလိဂ်တွေရဲ့ အပြောင်းအရွှေ့နဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
ချဲလ်ဆီး ကတော့ ဘေယန်မြူးနစ်၊ ဒေါ့မန်နဲ့ မန်ချက်စတာယူနိုက်တက် တို့ကတော့ စိတ်ဝင်စားနေတဲ့ တိုက်စစ်မှူး ခရစ်စတိုဖာ အန်ကွန်ကူ အတွက် ပြောင်းရွှေ့ကြေး ယူရို ၇၅ သန်း (ပေါင် ၆၄.၄ သန်း) တောင်းဆိုသွားဖို့ ရှိနေတယ်လို့ သိရပါတယ်။ ပရီးမီးယားလိဂ် ကလပ်ဟာ ဘာစီလိုနာ ကွင်းလယ်လူ ဖာမင်း လိုပက်ဇ်ကို ခေါ်ယူဖို့ အတွက် အန်ကွန်ကူရဲ့ ပြောင်းရွှေ့ကြေးကို အသုံးပြုဖို့ စီစဉ်ထားကြောင်း သိရပါတယ်။ တခြား တစ်ဖက် မှာတော့ ချဲလ်ဆီးဟာ အန်ကွန်ကူကို ယူရို သန်း ၄၀ (ပေါင် ၃၄.၃ သန်း) နဲ့ ထွက်ခွာခွင့်ပြုဖွယ် ရှိနေတယ်လို့ သတင်းတွေ ထွက်ပေါ်နေပါတယ်။
မန်ချက်စတာယူနိုက်တက် ကတော့ ပေါ်တို ဂိုးသမား ဒီယိုဂို ကော်စတာကို အန်ဒရီ အိုနာနာ နေရာမှာ အစားထိုးဖို့ ဦးစားပေး ကမ်းလှမ်းဖို့ ရှိနေတယ်လို့ သိရပါတယ်။ ဒါပေမယ့် ယူနိုက်တက်ဟာ ပေါ်တူဂီ ဂိုးသမားကို ပြောင်းရွှေ့ကြေး ယူရို ၇၅ သန်း (ပေါင် ၆၄.၄ သန်း) နဲ့ ကမ်းလှမ်းသွားရဖို့ ရှိနေပါတယ်။ ဒါ့အပြင် ဒီယိုဂို ကော်စတာကို ပရီးမီးယားလိဂ် ထိပ်သီးတွေ ဖြစ်တဲ့ ချဲလ်ဆီးနဲ့ မန်စီးတီး တို့ကလည်း ယူနိုက်တက်နဲ့ အပြိုင်အဆိုင် ကမ်းလှမ်းဖို့ စီစဉ်နေတယ်လို့ TEAMtalk က ဖော်ပြပါတယ်။
ဘီလ်ဘာအို တောင်ပံကစားသမား နီကို ဝီလီယမ်စ် ကတော့ အခုနွေရာသီမှာ အသင်း ကနေ ထွက်ခွာဖို့ စီစဉ်ထားပေမယ့် ဘယ်ကလပ်ကို ပြောင်းရွှေ့မလဲ ဆိုတာတော့ မဆုံးဖြတ်ရသေးကြောင်း သိရပါတယ်။ အာဆင်နယ် ကလည်း နီကို ဝီလီယမ်စ်ကို ခေါ်ယူဖို့ အတွက် လက်မလျှော့သေးဘူးလို့လည်း သိရပါတယ်။ အာဆင်နယ်ရဲ့ အားကစားဒါရိုက်တာ အသစ် အန်ဒရီယာ ဘာတာ ကတော့ ဒီနွေရာသီမှာ စပို့တင်းလစ္စဘွန်း တိုက်စစ်မှူး ဗစ်တာ ယိုကီးရက်စ်ကို ခေါ်ယူဖို့ ဦးစားပေး လုပ်ဆောင်သွားမယ်လို့ သိရပါတယ်။ အာဆင်နယ် ကတော့ ဆွီဒင် တိုက်စစ်မှူးကို ဒီနွေရာသီ အပြောင်းအရွှေ့ရဲ့ ထိပ်တန်း ပစ်မှတ် အဖြစ် သတ်မှတ်လိုက်ပြီပဲ ဖြစ်ပါတယ်။
တော့တင်ဟမ်ဟော့စပါး ကတော့ ညာနောက်ခံလူ ပက်ဒရို ပေါ်ရိုကို အခု နွေရာသီမှာ ပေါင်သန်း ၅၀ ကျော်နဲ့ ရောင်းချဖို့ အဆင်သင့် ရှိနေတယ်လို့ သိရပါတယ်။ ပေါ်ရိုကို မန်ချက်စတာစီးတီး၊ ဘေယန်မြူးနစ်နဲ့ ဂျူဗင်တပ်စ် တို့က စိတ်ဝင်စားနေကြပါတယ်။
မန်ချက်စတာယူနိုက်တက် ကတော့ အသင်းရဲ့ ထိပ်တန်း ပစ်မှတ် အဖြစ် ရှုမြင်ခံထားရတဲ့ ဘာစီလိုနာ ကွင်းလယ်လူ ဖရန်ကီ ဒီယောင်ကို စိတ်ဝင်စားမှု မြင့်တက်လာပြန်တယ်လို့ သိရပါတယ်။ ဒါ့အပြင် ဘာစီလိုနာ အားကစား ဒါရိုက်တာ ဒေကို ကတော့ ဒီယောင် နေရာမှာ အစားထိုးဖို့ နယူးကာဆယ် ကွင်းလယ်လူ ဆန်ဒရို တိုနာလီကို ခေါ်ယူဖို့ အာရုံစိုက်သွားမှာ ဖြစ်ကြောင်း သိရပါတယ်။ တစ်ချိန်တည်းမှာပဲ ရီးရဲလ်မက်ဒရစ် ကလည်း တိုနာလီကို ခေါ်ယူဖို့ ကမ်းလှမ်းမှု တစ်ခု ပြုလုပ်ဖို့ အဆင်သင့် ဖြစ်နေပြီ ဖြစ်ကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
