အာဆင်နယ် ကတော့ ဒီရာသီ ပရီးမီးယားလိဂ်နဲ့ ချန်ပီယံလိဂ်လို အဓိက ပြိုင်ပွဲကြီး နှစ်ခုစလုံးမှာ ချန်ပီယံ ဖြစ်ဖို့ ရေပန်းအစားဆုံး ဖြစ်လာခဲ့ပါတယ်။ အာဆင်နယ်ဟာ ပရီးမီးယားလိဂ် မှာတော့ နယူးကာဆယ်ကို ၂-၁ ရလဒ်နဲ့ အနိုင်ရရှိခဲ့ပြီးနောက် ချန်ပီယံ ဖြစ်ဖို့ ရေပန်းစားမှုမှာ ထိပ်ဆုံး နေရာကို ရောက်ရှိလာခဲ့တာ ဖြစ်ပါတယ်။
အာဆင်နယ်ဟာ ပရီးမီးယားလိဂ် ပွဲစဉ် ၆ မတိုင်ခင် အထိ ချန်ပီယံ ဖြစ်ဖို့ ရေပန်းစားမှုမှာ ၇:၄ သာ ရှိနေခဲ့ရာ ကနေ ဇယားထိပ်က လစ်ဗာပူးလ်တို့ ပထမဦးဆုံး ရှုံးပွဲနဲ့ ရင်ဆိုင်ခဲ့ရပြီးနောက် အခုလိုပဲ အပြောင်းအလဲ ဖြစ်လာခဲ့တာပါ။ လက်ရှိ မှာတော့ အာဆင်နယ်က နာမည်ကျော် William Hill ရဲ့ နောက်ဆုံး ထုတ်ပြန်ထားတဲ့ ချန်ပီယံ အလေးပေးချက်မှာ ၅:၄ နဲ့ ထိပ်ဆုံး ကနေ ဦးဆောင်နေပြီလည်း ဖြစ်ပါတယ်။ လစ်ဗာပူးလ် ကတော့ ၇:၄ လေးကို ကျဆင်းသွားပြီး မန်စီးတီး ကတော့ ၉:၂ နဲ့ တတိယနေရာမှာ ရှိနေပါတယ်။
အခုနှစ် ရာသီ မစတင်ခင် ချန်ပီယံ အလေးပေးချက်မှာ လက်ရှိ ချန်ပီယံ လစ်ဗာပူးလ်က ရေပန်းအစားဆုံး ဖြစ်နေခဲ့ပြီး အာဆင်နယ်နဲ့ မန်စီးတီး တို့က ဒုတိယနဲ့ တတိယနေရာတွေမှာ ရှိနေခဲ့ပါတယ်။ အာဆင်နယ်ဟာ ၂၀၀၄ ခုနှစ် နောက်ပိုင်း ပရီးမီးယားလိဂ် ချန်ပီယံဆုနဲ့ ဝေးကွာနေခဲ့တာ ဖြစ်ပြီး ပြိုင်ပွဲစုံမှာတော့ ဖလား မရတဲ့ ၅ နှစ် အထိ ရှိနေပြီ ဖြစ်ပါတယ်။ ဒါကြောင့် အာဆင်နယ်က ဒီရာသီမှာ အသင်းကို အကြီးအကျယ် ပြင်ဆင်ထားပြီး ဆယ်စုနှစ် နှစ်ခုကျော်ကြာ ဝေးကွာနေခဲ့တဲ့ အမှတ်ပေးချန်ပီယံဆုနဲ့ သူတို့ တစ်ကြိမ် တစ်ခါမှာ မရဖူးသေးတဲ့ ချန်ပီယံလိဂ် ဖလားကို ရယူဖို့ အတွက် ရည်မှန်းချက်တွေ အမြင့်ဆုံးကို ရောက်ရှိနေတာ ဖြစ်ပါတယ်။
အာဆင်နယ်ဟာ ပြီးခဲ့တဲ့ နွေရာသီ အပြောင်းအရွှေ့မှာ ကီပါ၊ ဇူဘီမန်ဒီ၊ နောဂတ်၊ မာဒူခေး၊ မော့စ်ကီရာ၊ ယိုကီးရက်စ်၊ အက်ဇေး၊ ဟင်ကပ်ပီ တို့ကို ခေါ်ယူခဲ့ပြီး ပြောင်းရွှေ့ကြေး ပေါင် ၂၅၇ သန်း သုံးစွဲခဲ့ပါတယ်။ လက်ရှိမှာ ဒီထဲက ကစားသမား အများစုဟာ အာဆင်နယ် အတွက် ကြီးမားတဲ့ သက်ရောက်မှုတွေ ရှိနေပြီး အသင်း အတွက် ရလဒ်ကောင်းတွေ အတွက် အဓိကကျသူတွေ ဖြစ်နေပါတယ်။
လက်ရှိမှာ အာဆင်နယ်က ပရီးမီးယားလိဂ် ပွဲစဉ် ၆ ပြီးချိန် အထိ ၄ ပွဲနိုင်၊ ၁ ပွဲ သရေ၊ ၁ ပွဲ ရှုံးထားပြီး ရမှတ် ၁၃ မှတ်နဲ့ လစ်ဗာပူးလ်ကို ဆက်လက် ဖိအားပေးထားပါတယ်။ အာဆင်နယ်ဟာ ပွဲကြပ် ကာလတွေကို ကျော်ဖြတ်ထားနိုင်ပြီး အဓိက ပြိုင်ဘက်တွေ ကတော့ ပွဲကြပ်တွေ စတင် ကစားရတော့မှာ ဖြစ်ပါတယ်။ ဒါကြောင့် ဂန်းနားတွေ အနေနဲ့ ဒီအခွင့်အရေးတွေကို အသုံးချနိုင်မလား ဆိုတာ စောင့်ကြည့်ရမှာ ဖြစ်ပါတယ်။
တစ်ဖက် မှာလည်း အာဆင်နယ်က ၂၀၂၅-၂၀၂၆ ဘောလုံးရာသီ ချန်ပီယံလိဂ် ပြိုင်ပွဲ လိဂ်အဆင့် ပွဲစဉ် ၂ အပြီး နာမည်ကျော် Opta စူပါကွန်ပျူတာရဲ့ တွက်ချက်မှုတွေ အရ ချန်ပီယံလိဂ် ဖလားကို ရရှိနိုင်ခြေ ရှိတဲ့ ရေပန်းအစားဆုံး အသင်း ဖြစ်လာခဲ့ပါတယ်။ အာဆင်နယ်ရဲ့ အနောက် မှာတော့ လက်ရှိ ချန်ပီယံ ပီအက်စ်ဂျီ၊ ဂျာမန် ထိပ်သီး ဘေယန်မြူးနစ်၊ လာလီဂါ ကလပ် ရီးရဲလ်မက်ဒရစ်နဲ့ ပရီးမီးယားလိဂ် ထိပ်သီး မန်စီးတီး တို့က ရေပန်းစားမှု အဆင့်လိုက် အသီးသီး ရပ်တည်နေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
