လီယွန်နယ် မက်ဆီ ကတော့ မေဂျာလိဂ် ကလပ် အင်တာမိုင်ယာမီနဲ့ စာချုပ်သက်တမ်း ကုန်ဆုံးဖို့ နီးကပ်လာချိန်မှာတော့ ဘာစီလိုနာကို ပြန်လာနိုင်ဖွယ် မရှိကြောင်း သိရပါတယ်။ မက်ဆီရဲ့ လက်ရှိ စာချုပ်ဟာ ၂၀၂၅ ခုနှစ်မှာ သက်တမ်း ကုန်ဆုံးမှာ ဖြစ်ပြီး လက်ရှိမှာ အင်တာမိုင်ယာမီက အလွတ် ပြောင်းရွှေ့ကြေးနဲ့ တရားဝင် ပြောင်းရွှေ့ခွင့်ပြုထားတယ်လို့လည်း သိရပါတယ်။ ဒါကြောင့် မက်ဆီရဲ့ အနာဂတ်နဲ့ ပတ်သက်လို့ သိသိသာသာ ထင်ကြေးပေးမှုတွေ ရှိနေပြီး အာဂျင်တီးနား အသင်းခေါင်းဆောင်ဟာ မေဂျာလိဂ် ကနေ ထွက်ခွာဖို့ အဆင်သင့် ဖြစ်နေကြောင်း သတင်း တချို့က ဖော်ပြနေတာ ဖြစ်ပါတယ်။
လက်ရှိမှာ မက်ဆီရဲ့ ငယ်ဘဝ ကလပ် နယူးဝဲလ်စ် အိုးလ်ဘိုင်းစ်ဟာ ကမ္ဘာ့ဖလား ချန်ပီယံ ကစားသမားကို ပြန်လည် ခေါ်ယူနိုင်ဖွယ် ရှိနေသလို လာလီဂါ ချန်ပီယံ ဘာစီလိုနာ ကလည်း နူးကမ့်ပ်ကွင်းသစ် ဖွင့်ပွဲ အတွက် ပြင်ဆင်နေချိန်မှာ မက်ဆီနဲ့ ပြန်လည် ပူးပေါင်းဖို့ ဆန္ဒရှိနေတာ ဖြစ်ပါတယ်။ Athletic ကတော့ လက်ရှိအခြေအနေတွေကို အသေအချာ လေ့လာကြည့်တဲ့အခါမှာ မက်ဆီဟာ အင်တာမိုင်ယာမီ ကနေ ထွက်ခွာမယ် ဆိုတဲ့ အကြောင်းအရာတွေ အားလုံးက လွဲမှားနေကြောင်း၊ ဘယ်လွန်ဒေါ ၈ ကြိမ်ရ ကစားသမားဟာ ဖလော်ရီဒါမှာ ရှိနေရတာကို ကျေနပ်နေကြောင်း ဖော်ပြထားပါတယ်။
မက်ဆီ အနေနဲ့ ဘာစီလိုနာကို ပြန်သွားနိုင်ခြေနဲ့ ပတ်သက်လို့လည်း အဆိုပါ အပြောင်းအရွှေ့ဟာ အကြောင်းပြချက် များစွာပေါ် မူတည်ပြီး ဖြစ်နိုင်ခြေ မရှိကြောင်း ဖော်ပြထားပါသေးတယ်။ ပရော်ဖက်ရှင်နယ် ရှုထောင့် အရ ကြည့်မယ် ဆိုရင် မက်ဆီဟာ လက်ရှိ ဘာစီလိုနာ ဥက္ကဋ္ဌ ယိုအန် လာပေါ်တာနဲ့ ခိုင်မာတဲ့ ဆက်ဆံရေး ရှိတယ်လို့ ယုံကြည်ရပေမယ့် အသက် ၃၈ နှစ် အရွယ် ရှိပြီ ဖြစ်တဲ့ ကစားသမားကို ဘာစီလိုနာ ဘက်က ခေါ်ယူတော့မှာ မဟုတ်ကြောင်းလည်း Athletic က အခိုင်အမာ ဖော်ပြခဲ့ပါတယ်။
မက်ဆီဟာ ဘာစီလိုနာ စီနီယာ အသင်းကြီး အတွက် ၁၇ ရာသီ အတွင်း ပြိုင်ပွဲစုံ ၇၆၅ ပွဲ ကစားကာ ၆၆၆ ဂိုး သွင်းယူပေးခဲ့သူ ဖြစ်ပါတယ်။ မက်ဆီနဲ့ နီးစပ်တဲ့ အသိုင်းအဝိုင်းက ရရှိတဲ့ သတင်းတွေ အရ ဆိုရင်တော့ အာဂျင်တီးနား အသင်းခေါင်းဆောင်က သူ ၁၀ စုနှစ် နှစ်ခု အကြာ ဖြတ်သန်းခဲ့တဲ့ ဘာစီလိုနာ ကနေ ခံစားချက်တွေနဲ့ ထွက်ခွာခဲ့ရပြီး နူးကမ့်ပ်ကို ပြန်သွားဖို့ထက် အခုလို ငြိမ်းချမ်းတဲ့ လမ်းကြောင်း ကိုပဲ ဆက်လက် လျှောက်လှမ်းဖို့ အလိုရှိနေကြောင်း သိရပါတယ်။
လက်ရှိ အသင်း ကြုံတွေ့နေရတဲ့ စိန်ခေါ်မှုတွေကြောင့် မက်ဆီ အနေနဲ့ ကွင်းထဲမှာ မပျော်ရွင်ဖြစ်နေပေမယ့်လည်း သူ့အနေနဲ့ မိုင်ယာမီမှာ ပရောဂျက် ဝယ်ယူထားခဲ့ပြီးနောက် ဟီရွန်စ်တွေနဲ့သာ ဆက်လက် လက်တွဲသွားဖွယ် ရှိနေပါတယ်။ ဒါကြောင့် မက်ဆီ ရဲ့ မေဂျာလိဂ် ကလပ်နဲ့ စာချုပ်သက်တမ်းတိုးခြင်းကသာ ဖြစ်နိုင်ခြေ ရှိတဲ့ ရလဒ် အဖြစ် ရှုမြင်နေကြပါတယ်။
တစ်ဖက် မှာလည်း အင်တာမိုင်ယာမီက မက်ဆီရဲ့ စာချုပ်ကို သက်တမ်းတိုးနိုင်ဖို့ ယုံကြည်ကြောင်း၊ အာဂျင်တီးနား ဝါရင့် စူပါစတား ကလည်း သူ့ရဲ့ အနာဂတ်ကို ကလပ်မှ ဆက်လက် လျှောက်လှမ်းလိုကြောင်း ယုံကြည်နေတယ်လို့ သိရပါတယ်။ မက်ဆီဟာ မေဂျာလိဂ် ကလပ် အင်တာမိုင်ယာမီ အတွက် ၃ ရာသီ အတွင်း ပွဲပေါင်း ၆၃ ပွဲ ကစားကာ ဂိုး ၅၀ သွင်းယူပြီး ဂိုးဖန်တီးမှု ၂၃ ကြိမ် ပြုလုပ်ထားပါတယ်။ မက်ဆီဟာ ရော်နယ်ဒိုလိုပဲ ကစားသမားဘဝ နေဝင်ချိန်ကို ရောက်ရှိနေပေမယ့် အနားယူဖို့တော့ စိတ်ကူးမရှိသေးသလို လာမယ့် ၂၀၂၆ ကမ္ဘာ့ဖလား ကိုလည်း ဝင်ရောက် ဆင်နွှဲချင်နေဆဲ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
