အခုတစ်ခါမှာတော့ အောက်တိုဘာလ ၈ ရက်နေ့ အတွက် ရရှိထားသမျှ လာလီဂါရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
လာလီဂါ ထိပ်သီး ရီးရဲလ်မက်ဒရစ် ကတော့ ပီအက်စ်ဂျီ တောင်ပံ ကစားသမား ဒီဆိုင်းရား ဒူရေးကို ခေါ်ယူဖို့ ကြိုးပမ်းနေပါတယ်။ ဒါပေမယ့်လည်း လီဂူးဝမ်း ကလပ် ဘက်ကတော့ သူတို့ရဲ့ အဓိက ကြယ်ပွင့် ကစားသမားလေးကို အလွယ်တကူ ရောင်းချလိုခြင်း မရှိတာကြောင့် အပြောင်းရွှေ့ ဖြစ်ဖို့တော့ အခက်အခဲ ရှိနေကြောင်း Fichajes က ဖော်ပါတယ်။
ရီးရဲလ်မက်ဒရစ် ကွင်းလယ်လူ ဂျူ့ဒ် ဘယ်လင်ဟမ်က လာမယ့် နွေရာသီမှာ ပရီးမီးယားလိဂ်ကို ပြောင်းရွှေ့ဖို့ ငြင်းဆန်ထားကြောင်း သိရပါတယ်။ ဘယ်လင်ဟမ်က နည်းပြ ဇာဘီ အလွန်ဆို လက်အောက်မှာ သူ့ရဲ့ အရေးပါမှု အတွက် သံသယရှိနေကြောင်း သတင်းတွေ ထွက်ပေါ်နေသူ ဖြစ်ပါတယ်။
အခုလို သတင်းတွေ ထွက်ပေါ်နေပေမယ့်လည်း ရီးရဲလ်မက်ဒရစ် တာဝန်ရှိသူတွေ ကတော့ အင်္ဂလန်သားကို အသင်း ကနေ လုံးဝ ထွက်ခွာခွင့်ပေးသွားဖို့ မရှိကြောင်း သိရပါတယ်။ ဒါ့အပြင် ဘယ်လင်ဟမ် ကလည်း အသင်း ကနေ ထွက်ခွာဖို့ စိတ်ကူးမရှိကြောင်း ရီးရဲလ်မက်ဒရစ် တာဝန်ရှိသူတွေက ယုံကြည်နေပါတယ်။
ချဲလ်ဆီး ကတော့ ဘာစီလိုနာ ကွင်းလယ် ကစားသမား မာ့ခ် ကာဆာဒိုကို ဇန်နဝါရီမှာ ခေါ်ယူဖို့ မျှော်လင့်နေပါတယ်။ အာဆင်နယ် ကလည်း အသက် ၂၂ နှစ် အရွယ် ကစားသမားကို စိတ်ဝင်စားနေပြီး ယူရို ၃၅ သန်း (ပေါင် ၃၀.၄ သန်း) ပေးချေ ခေါ်ယူဖို့ စိတ်ဝင်စားနေပါတယ်။
ရီးရဲလ်မက်ဒရစ် ကတော့ ဇာဘီ အလွန်ဆိုရဲ့ လက်အောက်မှာ ပုံမှန် ပွဲထွက်ခွင့် ရရှိနေတဲ့ ကွင်းလယ်လူ အာဒါ ဂူလာ ကို အသင်းမှာ ဆက်ထိန်းထားချင်နေပါတယ်။ တူရကီ မက်ဆီလို့ နာမည်ကြီးတဲ့ ဒီကစားသမားလေးကို အာဆင်နယ်နဲ့ နယူးကာဆယ်ယူနိုက်တက် တို့က စိတ်ဝင်စားနေပြီး ဘာစီလိုနာ ဘက်က ကမ်းလှမ်းချက် မှန်သမျှကို ပယ်ချဖို့ ပြင်ဆင်လျက် ရှိနေပါတယ်။
ဘာစီလိုနာ အားကစားဒါရိုက်တာ ဒေကို ကတော့ အသင်း အတွက် ကစားသမား ထပ်မံ ခေါ်ယူအားဖြည့်ချင်နေပါတယ်။ ဘာစီလိုနာက အလိုရှိနေတဲ့ ကစားသမားတွေ ကတော့ ဘယ်ခြမ်း ဗဟိုခံစစ်မှူး၊ ကြံခိုင်မှုကောင်းတဲ့ ခံစစ်မှူး တစ်ဦးနဲ့ စူပါစတား တိုက်စစ်မှူး တစ်ဦး တို့ ဖြစ်ကြောင်း သိရပါတယ်။
ပီအက်စ်ဂျီ ကတော့ လာလီဂါ ကလပ် ဘာစီလိုနာ တောင်ပံ ကစားသမား လာမင်း ယာမယ်ကို ကမ္ဘာ့စံချိန်တင် ပြောင်းရွှေ့ကြေးနဲ့ ခေါ်ယူဖို့ စီစဉ်နေကြောင်း သိရပါတယ်။ လီဂူးဝမ်း ကလပ်က ယူရို သန်း ၂၃၀ (ပေါင် ၁၉၉ သန်း) နဲ့ ခေါ်ယူဖို့ အဆင်သင့် ဖြစ်နေကြောင်း Defensa Central က ဖော်ပြပါတယ်။
မန်ချက်စတာစီးတီး နောက်ခံလူ ဂျွန်စတုန်းစ်က ပြီးခဲ့တဲ့ ရာသီ ဒဏ်ရာပြဿနာတွေကြောင့် အနားယူဖို့ အထိ စဉ်းစားခဲ့ဖူးကြောင်း ဝန်ခံခဲ့ပါတယ်။ အသက် ၃၁ နှစ် အရွယ်ရှိ စတုန်းစ်က ပြီးခဲ့တဲ့ရာသီက ခြေဖဝါး၊ တံကောက်ကြော ဒဏ်ရာတွေနဲ့ ပရီးမီးယားလိဂ် ၁၁ ပွဲသာ ကစားခဲ့ရပြီး ၎င်းအနေနဲ့ အင်္ဂလန် အသင်းကို အဓိက ပြိုင်ပွဲ ၅ ပွဲ ကိုယ်စားပြု ကစားခဲ့ပေမယ့် ၂၀၂၄ အောက်တိုဘာလ ကတည်းက လက်ရွေးစင် အသင်းမှာ ပါဝင်နိုင်ခဲ့ခြင်း မရှိတော့ပါဘူး။ စတုန်းစ်ဟာ လာမယ့် ကြာသပတေးနေ့ ဝင်ဘလေမှာ ကစားမယ့် ဝေးလ်စ်နဲ့ ခြေစမ်းပွဲ၊ အောက်တိုဘာလ ၁၄ ရက် လတ်ဗီးယားနဲ့ ကမ္ဘာ့ဖလား ခြေစစ်ပွဲ အတွက် အင်္ဂလန် အသင်း လူစာရင်းမှာ ပြန်လည် ပါဝင်လာခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
