လာလီဂါ ကလပ် ရီးရဲလ်မက်ဒရစ် ကတော့ အသင်းရဲ့ တိုက်စစ်မှူး ကီလီယန် အမ်ဘာပေးကို ဖရီးကစ် ကျွမ်းကျင်သူ တစ်ယောက် ဖြစ်လာအောင် လေ့ကျင့်ပေးလျက် ရှိကြောင်း သတင်းတွေ ထွက်ပေါ်နေပါတယ်။ ပြင်သစ် လက်ရွေးစင် အသင်းခေါင်းဆောင် အမ်ဘာပေး အနေနဲ့ သူ့ရဲ့ ကစားသမား ဘဝမှာ ဖရီးကစ် ကန်လေ့ မရှိပေမယ့်လည်း အခြေအနေမျိုးစုံ ကနေ ဂိုးသွင်းနိုင်တဲ့ တိုက်စစ်မှူး တစ်ဦး ဖြစ်လာအောင် ရီးရဲလ်မက်ဒရစ် ဘက်က လိုလားနေတာ ဖြစ်ပါတယ်။
အသက် ၂၆ နှစ် အရွယ် တိုက်စစ်မှူးဟာ ရီးရဲလ်မက်ဒရစ်ကို ရောက်ရှိချိန်မှာ အနည်းငယ် ရုန်းကန်ခဲ့ရပေမယ့် နောက်ပိုင်းမှာတော့ ဂိုးသွင်းအားကောင်းတဲ့ တိုက်စစ်မှူး အဖြစ် ရပ်တည်နေသူ ဖြစ်ပါတယ်။ အမ်ဘာပေး အနေနဲ့ သူကစားခဲ့တဲ့ ကလပ်တွေမှာ ပယ်နယ်တီ ကန်လေ့ ရှိပေမယ့်လည်း ဖရီးကစ် ကန်သွင်းမှု နည်းပါးတဲ့ ကစားသမား ဖြစ်ပါတယ်။ ဒါပေမယ့်လည်း ပြင်သစ်သား အနေနဲ့ လီဂါနက်စ်ကို ၃-၂ ရလဒ်နဲ့ အနိုင်ရခဲ့တဲ့ လာလီဂါ ပွဲစဉ်မှာတော့ ဖရီးကစ် ကနေ တိုက်ရိုက် ဂိုးသွင်းယူခဲ့တာ ဖြစ်ပါတယ်။ ဒီလို ဂိုးသွင်းယူ အပြီးမှာတော့ ရီးရဲလ်မက်ဒရစ်က အမ်ဘာပေးကို အနာဂတ်မှာ ဖရီးကစ် ဂိုးတွေ တာဝန်ယူ ကန်သွင်းခိုင်းဖွယ် ရှိနေကြောင်း သတင်းတွေ ထွက်ပေါ်လာခဲ့တာ ဖြစ်ပါတယ်။
လီဂါနက်စ်နဲ့ လာလီဂါ ပွဲစဉ်မှာ သွင်းယူခဲ့တဲ့ သွင်းဂိုး ကတော့ အမ်ဘာပေး အတွက် ကစားသမား ဘဝ တစ်လျှောက် ပထမဦးဆုံး ဖရီးကစ် သွင်းဂိုး ဖြစ်ခဲ့ပါတယ်။ ဒါကြောင့် အမ်ဘာပေး အနေနဲ့ လာမယ့် ပွဲစဉ်တွေမှာ ရီးရဲလ်မက်ဒရစ် အတွက် ဖရီးကစ် ပိုမိုကန်သွင်းလာမှာ ဖြစ်ပြီးတော့ ဒီအတွက် ရီးရဲလ်မက်ဒရစ်က အထူး လေ့ကျင့်ပေးလျက် ရှိနေကြောင်း စပိန်မီဒီယာတွေက ဖော်ပြနေကြတာပါ။
စပိန်သတင်းစာ El Chiringuito ရဲ့ ဖော်ပြချက် အရ ရီးရဲလ်မက်ဒရစ် နည်းပြ အဖွဲ့ဝင်တွေဟာ အမ်ဘာပေးကို ဖရီးကစ် ကျွမ်းကျင်သူ ဖြစ်လာစေဖို့ လိုလားလျက် ရှိကြောင်း၊ ဒါကြောင့် ရီးရဲလ်မက်ဒရစ် တိုက်စစ် နည်းပြ အဖွဲ့ဝင်တွေဟာ အမ်ဘာပေးကို ဖရီးကစ် နည်းစနစ်တွေနဲ့ ပတ်သက်ပြီး တစ်လကျော်ကြာ လေ့ကျင့် သင်ကြားပေးခဲ့ကြောင်း၊ လီဂါနက်စ်နဲ့ ပွဲမှာ ဖရီးကစ် ကနေ တစ်ဆင့် ဂိုးသွင်းယူနိုင်ခဲ့ခြင်းဟာ အခုလို လေ့ကျင့်မှုတွေရဲ့ အသီးအပွင့် ဖြစ်ကြောင်း ဖော်ပြခဲ့ပါတယ်။
ယခင်က ရီးရဲလ်မက်ဒရစ် အတွက် ဖရီးကစ် ကနေ တဆင့် ပင်တိုင် ဂိုးသွင်းယူသူ ကတော့ တိုနီ ခရူးစ် ဖြစ်ပါတယ်။ ဒါပေမယ့်လည်း ဂျာမန် စနိုက်ပါကြီးက ကစားသမား ဘဝ ကနေ အနားယူသွားပြီးနောက်ပိုင်း ဖရီးကစ် တိုက်ရိုက် ကန်သွင်းယူမယ့် ကစားသမား မရှိ ဖြစ်နေတာပါ။ ဒါကြောင့် ရီးရဲလ်မက်ဒရစ် နည်းစနစ် အဖွဲ့က အမ်ဘာပေးကို အဆိုပါ တာဝန်ကို ပေးအပ်ဖို့ စီစဉ်ထားတာလည်း ဖြစ်ပါတယ်။
အမ်ဘာပေးဟာ လာလီဂါ ကလပ် အတွက် ဒီရာသီ ပြိုင်ပွဲစုံမှာ ၄၆ ပွဲ ကစားပြီး ၃၃ ဂိုး သွင်းယူကာ ခြေစွမ်းပြနေပါတယ်။ ဒါ့အပြင် ရီးရဲလ်မက်ဒရစ်ဟာ ရာသီကုန် အထိ အခြေနေပေါ် မူတည်ပြီး ပွဲစဉ် ၁၅ ပွဲ ဝန်းကျင် ကစားရဖို့ ရှိနေသေးတာကြောင့် အမ်ဘာပေးရဲ့ သွင်းဂိုး အရေအတွက် ကလည်း အခုထက် ပိုများလာနိုင်ဖွယ် ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
