ဇွန်လ ၁၇ ရက်နေ့ အထိ နောက်ဆုံး ရရှိထားသမျှ လာလီဂါ ထိပ်တန်း ကလပ်တွေရဲ့ အပြောင်းအရွှေ့တွေနဲ့ စိတ်ဝင်စားဖွယ် သတင်းတွေကို ဖော်ပြပေးသွားမှာ ဖြစ်ပါတယ်။
ပပ် ဂွါဒီယိုလာ ကတော့ ရီးရဲလ်မက်ဒရစ် တိုက်စစ်မှူး ရိုဒရီဂိုကို ခေါ်ယူဖို့ အတွက် တောင်ပံ ကစားသမား ဂျက် ဂရီးလစ်ရှ်ကို အလိုက်ပေး ကမ်းလှမ်းသွားချင်နေကြောင်း Defensa Central က ဖော်ပြပါတယ်။ ဂွာဒီယိုလာဟာ ဒီအစီအစဉ်နဲ့ ပတ်သတ်လို့ ကလပ် အသင်း တာဝန်ရှိသူတွေထံ တောင်းဆိုထားပေမယ့်လည်း လာလီဂါ ကလပ် ကတော့ စိတ်မဝင်စားကြောင်း သိရပါတယ်။
ဆော်ဒီပရိုလိဂ် ထိပ်သီး ကလပ် နှစ်ခု ဖြစ်တဲ့ အဲလ်ဟီလာနဲ့ အဲလ်နာဆာ တို့ကလည်း ရိုဒရီဂိုကို ယူရို သန်း ၁၃၀ (ပေါင် ၁၁၀.၇ သန်း) နဲ့ ခေါ်ယူဖို့ အဆင်သင့် ဖြစ်နေကြောင်း Fichajes က ဖော်ပြခဲ့ပါတယ်။ ဘရာဇီးလ် တောင်ပံကစားသမား ကတော့ သူ့ရဲ့ အနာဂတ်နဲ့ ပတ်သတ်လို့ ပြီးခဲ့တဲ့ရက်က နည်းပြ ဇာဘီ အလွန်ဆိုနဲ့ ဆွေးနွေးခဲ့ပြီး ဘာနေဗျူး ဆက်နေဖို့ ဆုံးဖြတ်ခဲ့ကြောင်း သိရပါတယ်။
ဖရန်ကို မက်စတန်တူအိုနို ကတော့ ဒီနွေရာသီမှာ ရီးရဲလ်မက်ဒရစ်ကို ရောက်ရှိလာမှာ ဖြစ်ပြီး တိုက်စစ်ပိုင်းရဲ့ ညာခြမ်း အတွက် အငြင်းအခုံ မရှိတဲ့ ကစားသမား ဖြစ်လာဖို့ ရှိကြောင်း TodoFichajes က ဖော်ပြပါတယ်။ ဒီအခြေအနေကြောင့် ရိုဒရီဂိုဟာ အသင်း ကနေ ထွက်ခွာနိုင်ခြေ ရှိနေပြီး အာဆင်နယ်၊ ချဲလ်ဆီးနဲ့ မန်ချက်စတာစီးတီး တို့က ယူရို သန်း ၁၀၀ နဲ့ ခေါ်ယူဖို့ စိတ်ဝင်စားနေကြပါတယ်။
လာလီဂါ ကလပ် ဘာစီလိုနာ ဂိုးသမား မာ့ခ် အန်ဒရီ တာစတီဂျန် ကတော့ ဂါလာတာဆာရေးကို ပြောင်းရွှေ့ဖို့ ငြင်းဆိုခဲ့ကြောင်း SPORT က ဖော်ပြခဲ့ပါတယ်။ သတင်းတွေ အရ ဆိုရင်တော့ ပြောင်းရွှေ့ကြေး လိုအပ်ချက်တွေနဲ့ မကိုက်ညီတာကြောင့် တာစတီဂျန်က ကမ်းလှမ်းချက်ကို ငြင်းဆန်ခဲ့တယ်လို့ သိရပါတယ်။
လာမင်းနဲ့ နီကို ဝီလီယမ်စ် တို့အကြား ချစ်ကြည် ရင်းနှီးမှု အပေါ် စိုးရိမ်မှုတွေကြောင့် ဘာစီလိုနာ ဥက္ကဌ ယိုအန် လာပေါ်တာ အနေနဲ့ ဘီလ်ဘာအို တောင်ပံကစားသမားကို ခေါ်ယူဖို့ တွန့်ဆုတ်နေကြောင်း El Nacional က ဖော်ပြခဲ့သည်။ လာပေါ်တာဟာ ကစားသမား အချင်းချင်း သူငယ်ချင်း ဖြစ်ခြင်း အတွက် ပြဿနာ မရှိပေမယ့်လည်း ယာမယ်ကို အဝတ်လဲခန်း အတွင်း အသင်းဖော်တွေနဲ့ အဆင်မပြေ ဖြစ်မှာကို မလိုလားကြောင်း သိရပါတယ်။ လက်ရှိမှာတော့ နီကို ဝီလီယမ်စ်ဟာ ဘာစီလိုနာကို ပြောင်းရွှေ့ဖို့ စိတ်အားထက်သန်နေပြီး ဘာစီလိုနာ ကလည်း ဒီအပြောင်းအရွှေ့ကို ဦးဆောင်နေပြီ ဖြစ်ပါတယ်။
ရီးရဲလ်ဘက်တစ် တာဝန်ရှိသူတွေဟာ မန်ချက်စတာယူနိုက်တက် တောင်ပံကစားသမား အန်တိုနီကို ခေါ်ယူဖို့ မတူညီတဲ့ စာချုပ် တစ်ရပ်ကို အဆိုပြုခဲ့ကြောင်း ABC က ဖော်ပြခဲ့ပါတယ်။ ကနဦး ပြောင်းရွှေ့ကြေး ယူရို သန်း ၂၀ (ပေါင် ၁၇ သန်း) နဲ့ အတူ စာချုပ်ဖျက်သိမ်းကြေးနဲ့ အပြီးသတ် ဝယ်ယူဖို့ စီစဉ်နေတာလည်း ဖြစ်ပါတယ်။
လစ်ဗာပူးလ် ဘယ်နောက်ခံလူ အန်ဒီ ရောဘတ်ဆန် ကတော့ အက်တလက်တီကိုမက်ဒရစ် အတွက် ထိပ်တန်း ပစ်မှတ် အဖြစ် မပေါ်ထွက်မီ ရီးရဲလ်မက်ဒရစ်ရဲ့ ကမ်းလှမ်းခြင်း ခံခဲ့ရတယ်လို့ Defensa Central က ဖော်ပြခဲ့ပါတယ်။ ဒါပေမယ့်လည်း လော့စ်ဘလန်ကို ကတော့ သူတို့ အနေနဲ့ စကော့တလန် လက်ရွေးစင်ကို စိတ်မဝင်စားကြောင်း ခပ်မြန်မြန်ပဲ ပြန်လည် ရှင်းလင်းခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
