အခုတစ်ခါမှာတော့ အောက်တိုဘာလ ၄ ရက်နေ့ အတွက် ရရှိထားသမျှ ဘွန်ဒက်စ်လီဂါရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
ရီးရဲလ်မက်ဒရစ် ကတော့ ဘွန်ဒက်စ်လီဂါ ကလပ် ဘေယန်မြူးနစ် ကွင်းလယ်လူ အလက်ဆန်ဒါ ပက်ဗ်လိုဗစ်ကို ခေါ်ယူချင်နေကြောင်း သိရပါတယ်။ ဘေယန်မြူးနစ် အတွက် ခြေစွမ်းပြနေတဲ့ ဒီကစားသမား ကိုတော့ ပရီးမီးယားလိဂ် ထိပ်သီး မန်ချက်စတာစီးတီး ကလည်း စိတ်ဝင်စားနေပါတယ်။ သေချာတာ ကတော့ ဒီကစားသမားကို ခေါ်ယူလိုတဲ့ အသင်းတွေ အနေနဲ့ မြင့်မားတဲ့ ပြောင်းရွှေ့ကြေး အသုံးပြုရဖို့ ရှိနေပါတယ်။
တစ်ဆက်တည်းမှာပဲ ဇာဘီ အလွန်ဆိုက ဒီနွေရာသီမှာ လေဗာကူဆင် ကနေ လစ်ဗာပူးလ်ကို ပြောင်းရွှေ့ပြီးနောက် မပျော်မရွှင် ဖြစ်နေတဲ့ တပည့်ဟောင်း ဖလော်ရီယန် ဝစ်ဇ်ကို ခေါ်ယူလိုနေတယ်လို့ သိရပါတယ်။ ဝစ်ဇ် ကတော့ ဘွန်ဒက်စ်လီဂါ ကလပ်မှာ အလွန်ဆိုနဲ့ အတွဲညီခဲ့ကြသူတွေ ဖြစ်ပြီး ပြီးခဲ့တဲ့ အပြောင်းအရွှေ့တုန်း ကလည်း ရီးရဲလ်မက်ဒရစ်က ကြိုးပမ်းခဲ့ဖူးပါတယ်။
ဘင်ဖီကာ နောက်ခံလူ ဂွန်ကာလို အိုလီဗီရာ ကတော့ ဘာစီလိုနာရဲ့ ပစ်မှတ် အဖြစ် ပေါ်ထွက်လာခဲ့ပါတယ်။ ဒီကစားသမားလေးရဲ့ အေးဂျင့်ဟာ မကြာသေးခင်က ကတ်တာလန် ကလပ်နဲ့ တွေ့ဆုံမှု ပြုလုပ်ခဲ့ကြောင်း သတင်းတွေ ထွက်ပေါ်နေပါတယ်။
ရီးရဲလ်မက်ဒရစ် ကွင်းလယ်လူ ဖက်ဒရီကို ဗယ်လ်ဗာဒီ ကတော့ အိုးထရက်ဖို့ဒ်သို့ ပြောင်းရွှေ့ရင် သူ့ရဲ့ အသက်မွေးဝမ်းကြောင်းကို ထိခိုက်မှာ စိုးရိမ်တဲ့ အတွက် ယူနိုက်တက်ကို ပြောင်းရွှေ့ဖို့ စိတ်ဝင်စားမှု မရှိကြောင်း ထုတ်ဖော် ပြောဆိုလိုက်သည်။
တော့တင်ဟမ်ဟော့စပါး ကတော့ ဥရုဂွေး လက်ရွေးစင် ကွင်းလယ်လူ ရိုဒရီဂို ဘန်တန်ကာကို ကာလရှည် စာချုပ်ချုပ်ဆိုလိုက်ပါတယ်။ အသက် ၂၈ နှစ် အရွယ် ဘန်တန်ကာရဲ့ မူလစာချုပ်ဟာ အခု ရာသီအကုန်မှာ သက်တမ်း ကုန်ဆုံးမှာ ဖြစ်ပါတယ်။ စပါး ရဲ့ ထုတ်ပြန်ချက် မှာတော့ စာချုပ်သက်တမ်း မဖော်ပြထားပဲ ကာလရှည် စာချုပ်ချုပ်ဆိုခဲ့တာ ဖြစ်တယ် လို့သာ ဖော်ပြထားပါတယ်။ ၎င်းဟာ ၂၀၂၂ ခုနှစ်မှာ ဂျူဗင်တပ်စ် ကနေ ပြောင်းရွှေ့လာပြီး စပါး အတွက် ပြိုင်ပွဲစုံ ၁၂၂ ပွဲ ကစားပေးထားပါတယ်။
မန်ချက်စတာစီးတီး ကတော့ ဘရာဇီးလ် တောင်ပံကစား သမား ဆာဗင်ညိုကို ၂ နှစ် သက်တမ်းတိုး စာချုပ်သစ် ချုပ်ဆိုလိုက်ပါတယ်။ အသက် ၂၁ နှစ် အရွယ် ကစားသမား အနေနဲ့ စာချုပ်သစ်အရ မန်စီးတီးမှာ ၂၀၃၁ ခုနှစ် အထိ ဆက်ရှိနေတော့မှာ ဖြစ်ပါတယ်။ ဆာဗင်ညိုဟာ ပြီးခဲ့တဲ့ နွေရာသီက ပိုင်ရှင်တူ ကလပ် ထရွိုင်စ် ကနေ ပေါင် ၃၀.၈ သန်းနဲ့ မန်စီးတီးကို ပြောင်းရွှေ့လာသူ ဖြစ်ပါတယ်။ သူဟာ မန်စီးတီး အတွက် ၅၄ ပွဲ ကစားရာမှာ ၄ ဂိုး သွင်းကာ ၁၂ ဂိုး ဖန်တီးပေးခဲ့ပါတယ်။ မန်စီးတီးဟာ ဆာဗင်ညို အပေါ် စပါးက အသည်းအသန် စိတ်ဝင်စားနေမှုကို တားဆီးဖို့ အခုလို စာချုပ်သစ် ထပ်မံ ချုပ်ဆိုလိုက်တာလည်း ဖြစ်ပါတယ်။
ဘေယန်မြူးနစ် ကတော့ ဘဏ္ဍာရေး ပြဿနာတွေကြောင့် ကတ်တာလိုးနီးယား ကလပ် ကနေ ရောင်းထုတ်ခံရနိုင်ချေ ရှိနေတဲ့ ကွင်းလယ် ကစားသမား ဒန်နီ အော်လမိုကို ခေါ်ယူဖို့ အဆင်သင့် ဖြစ်နေကြောင်း သိရပါတယ်။ အော်လမိုဟာ ဒီရာသီမှာ ဘာစီလိုနာ အတွက် ၉ ပွဲ ကစားပြီး ၁ ဂိုးသွင်းကာ ၂ ဂိုး ဖန်တီးပေးထားပါတယ်။ ဒါပေမယ့်လည်း စပိန်သားက ပွဲအများစုမှာ မိနစ် အနည်းငယ်သာ ပွဲထွက် ကစားခွင့်ရရှိနေတာ ဖြစ်ပါတယ်။ အော်လမိုဟာ ဘွန်ဒက်စ်လီဂါ ဟာ သူ့ရဲ့ အောင်မြေလို့ ပြောလို့ ရတာကြောင့် မထင်မှတ်ပဲ ဘေယန်မြူးနစ်ထံ ပြောင်းရွှေ့ဖို့ ဆုံးဖြတ်သွားဖွယ် ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
