ဒီကနေ့ မနက် အစောပိုင်းမှာ ယှဉ်ပြိုင် ကစားခဲ့တဲ့ အာဆင်နယ်နဲ့ ဘေယန်မြူးနစ် တို့ရဲ့ ချန်ပီယံလိဂ် ပွဲစဉ် မှာတော့ အာဆင်နယ်က ၃-၁ ဆိုတဲ့ ရလဒ်နဲ့ ပြတ်ပြတ်သားသား အနိုင်ရသွားပါတယ်။ ဒီပွဲမှာ အာဆင်နယ်က ပြီးခဲ့တဲ့ ၁၀ စုနှစ် တစ်ခုလုံး သူတို့ အနိုင်မရခဲ့တဲ့ အသင်းကို ခြေအသာနဲ့ ကစားပြီး ဂိုးပြတ် အနိုင်ယူကာ အမှတ်ပေးဇယား ထပ်ဆုံး နေရာကိုပါ အပိုင်သိမ်းသွားခဲ့ပါတယ်။
ပွဲအစ ၂၂ မိနစ် မှာပဲ ဂျူရီယန် တင်ဘာက Set Piece ကနေ အာဆင်နယ် အတွက် အဖွင့်ဂိုး စတင် သွင်းယူပေးနိုင်ခဲ့ပေမယ့် လန်းနတ် ခါးလ်က ဘေယန် အတွက် ၃၂ မိနစ်မှာ ပြန်လည် ချေပနိုင်ခဲ့ပါတယ်။ ဒုတိယပိုင်း မှာတော့ မီခဲလ် အာတေးတားရဲ့ လူစားလဲမှု မှန်ကန်ခဲ့ပြီး လူစားဝင် ကစားသမားတွေ ဖြစ်တဲ့ မာဒူခေးနဲ့ မာတင်နယ်လီ တို့က အာဆင်နယ် အတွက် ဂိုးတွေ ဆက်တိုက် သွင်းယူပေးခဲ့ပါတယ်။ ဒါကြောင့် ၃-၁ ဆိုတဲ့ ရလဒ်နဲ့ ပွဲပြီးခဲ့ပြီး ဂန်းနားတို့ အိမ်ကွင်းမှာ အောင်ပွဲခံနိုင်ခဲ့ပါတယ်။
ဒီပွဲ မတိုင်ခင် ဘေယန်မြူးနစ်က အာဆင်နယ်ထက် သွင်းဂိုး ပိုရထားတာကြောင့် အဆင့် ၁ နေရာမှာ ရှိနေပေမယ့် ဂန်းနားတွေနဲ့ တွေ့အပြီး မှာတော့ အဆင့် ၂ နေရာကို ဆင်းပေးခဲ့ရတာ ဖြစ်ပါတယ်။ ဒါ့အပြင် အမြှောက်တပ်သားတွေရဲ့ အမ်းမရိတ်စ်မှာ ခေါ်ယူ ဆုံးမလိုက်မှုကြောင့် ဒီရာသီမှာ ဂျိုကြွနေတဲ့ ဘေယန်မြူးနစ်တို့ နောက်ဆုံး ၁၈ ပွဲဆက် ရှုံးပွဲ မရှိမှု စံချိန်ကောင်း တစ်ခုလည်း ရပ်တန့်သွားခဲ့ပါတယ်။
ညက ပွဲကို ပြန်ကြည့်မယ် ဆိုရင် ဘေယန်မြူးနစ်က တပွဲလုံး နီးပါး ဘောလုံးပိုင်ဆိုင်မှု အသာနဲ့ ကစားသွားတာ တွေ့ရပါလိမ့်မယ်။ ရုတ်တရက် ကြည့်မယ် ဆိုရင် ဘေယန်က အာဆင်နယ်ထက် ပိုပြီး ကောင်းကောင်း ကစားနိုင်တယ်လို့ ထင်နိုင်ပေမယ့် တကယ်တမ်းက ဂျာမန် ကလပ်က ဘောလုံး ကိုင်ရုံသာ ကိုင်ထားနိုင်တာ ဖြစ်ပါတယ်။ ဘောလုံး ပေးပို့မှု၊ ဂိုးပေါက် ခြိမ်းခြောက်မှု၊ ဂိုးပေါက် ကန်သွင်းမှု၊ အခွင့်အရေး ဖန်တီးမှု မှန်သမျှမှာ အာဆင်နယ်က ဘေယန်ထက် အများကြီး ပိုသာခဲ့ပါတယ်။ ဘေယန်မြူးနစ်က ဘောလုံး ပိုင်ဆိုင်မှု အသာရထားပေမယ့် ဒါနဲ့သာ အချိန်ကုန်နေခဲ့ပြီး အာဆင်နယ် ဘက်ကို ထိရောက်တဲ့ ခြိမ်းခြောက်မှု မယ်မယ်ရရ ပြုလုပ်နိုင်ခြင်း မရှိခဲ့တာ တွေ့ရပါလိမ့်မယ်။
အာဆင်နယ်က ဂိုးသွင်းနိုင်မယ့် အကောင်းဆုံး အခွင့်အရေး ၄ ကြိမ်လောက် လွဲချော်ခဲ့လို့သာ ဒီထက် ဂိုး ပိုမပြတ်ခဲ့တာ ဖြစ်ပြီး ဘေယန် ဘက်က အခွင့်အရေး လွဲချော်မှု ၁ ကြိမ်မှ မရှိခဲ့တာက အာဆင်နယ် ခံစစ်ရဲ့ ကျစ်လျစ် တောင့်တင်းမှုကို ပြသခဲ့သလိုပါပဲ။ အာဆင်နယ်ရဲ့ အကောင်းဆုံး ခံစစ်ကို ဘေယန်တို့ ခက်ခက်ခဲခဲ ရင်ဆိုင်သွားရတာ ဖြစ်ပြီး တပွဲလုံးမှ ဘေယန်တို့ ဂိုး ပေါက် ၂ ကြိမ်သာ တည့်ပြီး အဲ့ဒီကနေမှ သွင်းဂိုး ၁ ဂိုးရသွားခဲ့တာပါ။ အာဆင်နယ် ကတော့ ဂိုးပေါက် ၈ ကြိမ်တည့်ခဲ့ပြီး သွင်းဂိုး ၃ ဂိုး ရခဲ့ပါတယ်။ အာဆင်နယ်ရဲ့ ခြေစွမ်း ကတော့ ဒီရာသီမှာ ပိုမို တည်ငြိမ်လာခဲ့ပြီး ပြီးခဲ့တဲ့ နှစ်တွေ ကလို အရေးကြီးတဲ့ ပွဲစဉ်တွေ ဆိုရင် အမှားများတတ်မှု ကိုလည်း ပြင်ဆင်နိုင်ခဲ့ပါတယ်။
ဘေယန်မြူးနစ် ကတော့ အာဆင်နယ်ရဲ့ ပေါက်ကွဲအားကို အချိန်ပြည့် ထိမ်းထားနိုင်ဖို့ တော်တော်လေး အခက်တွေ့ခဲ့ရပြီး ယနေ့ပွဲမှာ အဓိက တိုက်စစ်မှူး ဟယ်ရီကိန်း ခြေစွမ်း ပျောက်ဆုံးနေခဲ့တာ ကလည်း ဘေယန်ကို ဒီရာသီ ပထမဦးဆုံး ရှုံးပွဲနဲ့ ရင်ဆိုင်သွားရစေတာလည်း ဖြစ်ပါတယ်။ပွဲအပြီးမှာ အာဆင်နယ်က ချန်ပီယံလိဂ် လိဂ် အဆင့် ၅ ပွဲ ကစားရမှာ ၅ ပွဲနိုင်၊ ရဂိုး ၁၄ ဂိုး၊ ပေးဂိုး ၁ ဂိုးနဲ့ အမှတ်ပေးဇယားကို ဦးဆောင်ကာ နောက်တစ်ဆင့်ကို တိုက်ရိုက် တက်ရောက်နိုင်ဖို့ သေချာသွားခဲ့ပါတယ်။ ဘေယန်မြူးနစ် ကလည်း ရှုံးပွဲ တွေ့ခဲ့ပေမယ့် ရမှတ် ၁၂ မှတ်နဲ့ အတူ အဆင့် ၃ နေရာမှာ ရှိနေပြီး ချန်ပီယံလိဂ် ၁၆ သင်း အဆင့်ကို တက်ရောက် နိုင်ဖို့ အခြေအနေ ကောင်းနေဆဲ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
