ပရီးမီးယားလိဂ် ကလပ် တော့တင်ဟမ်ဟော့စပါး ကတော့ အသင်းရဲ့ တိုက်စစ်ပိုင်းကို အင်အားဖြည့်တင်းဖို့ အတွက် မန်စီးတီးက ဂျက် ဂရီးလစ်ရှ်ကို ခေါ်ယူချင်နေကြောင်း သတင်းတွေ ထွက်ပေါ်နေခဲ့ပါတယ်။ ဒီသတင်း ကိုတော့ Football Insider က ဖော်ပြလာခဲ့တာ ဖြစ်ပြီးတော့ လာမယ့် အပြောင်းအရွှေ့ ဈေးကွက်မှာ ကမ်းလှမ်းမှု ပြုလုပ်သွားချင်နေတယ်လို့ သိရပါတယ်။
လက်ရှိ စပါးရဲ့ တိုက်စစ်ပိုင်းမှာ ဆွန် ဟောင်မင်၊ ရစ်ချာလီဆင်၊ ဒေါမနစ် ဆိုလန်ကီ၊ တီမို ဗာနာ၊ ကူလူဆက်ဗ်စကီး၊ ဘရန်နန် ဂျွန်ဆင်၊ မိုက်ကီ မိုးလ်တို့ ရှိနေပြီး တောင့်တင်းတယ်လို့ ပြောလို့ ရပါတယ်။ ဒါပေမယ့်လည်း ဆွန်ဟောင်မင် ကတော့ အသင်းနဲ့ စာချုပ် သက်တမ်းကုန်ဆုံးဖို့ နီးကပ်နေပြီး ရစ်ချာလီဆင် ကလည်း ဒဏ်ရာ ပြဿနာတွေနဲ့ ရုန်းကန်နေရပါတယ်။ ဒါကြောင့် မြောက်လန်ဒန် ကလပ် အနေနဲ့ တိုက်စစ်ပိုင်း အတွက် အားဖြည့်သွားချင်နေပြီး စပါးဟာ တိုက်စစ် ကစားသမား အများအပြားကို ပစ်မှတ်ထားနေခဲ့တာလည်း ဖြစ်ပါတယ်။ အဲဒီ အထဲ ကမှ ဘယ်တောင်ပံ၊ ကွင်းလယ် တိုက်စစ်နဲ့ ဘယ်ခြမ်း ကွင်းလယ်မှာပါ ကစားနိုင်သလို ပရီးမီးယားလိဂ် အတွေ့အကြုံ ရှိတဲ့ မန်စီးတီး တောင်ပံ ကစားသမား ဂျက် ဂရီးလစ်ရှ် ကိုတော့ ပိုပြီး စိတ်ဝင်စားနေတာ ဖြစ်ပါတယ်။
ဂျက် ဂရီးလစ်ရှ်ဟာ အက်စတွန်ဗီလာ လူငယ် အကယ်ဒမီထွက် ဖြစ်ပြီး ၂၀၂၁ ခုနှစ် ကမှ အက်စတွန်ဗီလာ ကနေ မန်စီးတီးကို ဗြိတိန် စံချိန်တင် ပြောင်းရွှေ့ကြေး ပေါင် သန်း ၁၀၀ နဲ့ ပြောင်းရွှေ့ခဲ့သူ ဖြစ်ပါတယ်။ ဂရီးလစ်ရှ်ဟာ လက်ရှိမှာ မန်စီးတီးနဲ့ စတုတ္ထမြောက် ဘောလုံးရာသီကို ဖြတ်သန်းနေပြီးတော့ အခုရာသီမှာတော့ ပြိုင်ပွဲစုံ ၁၀ ပွဲ ပါဝင်ကစားထားပါတယ်။ ဒါပေမယ့် ၆ ပွဲသာ ပွဲထွက် ကစားသမား အဖြစ် ပါဝင်ထားရသလို လက်ရှိမှာလည်း ဒဏ်ရာ ပြဿနာတွေကြောင့် အနားယူနေရသူ ဖြစ်ပါတယ်။ ဂရီးလစ်ရှ်က သူရဲ့ မန်စီးတီး ကစားသမား ဘဝ ဒုတိယမြောက် ရာသီမှာ အကောင်းဆုံး စွမ်းဆောင်ရည်တွေ ပြသနိုင်ခဲ့ပေမယ့် တတိယမြောက် ရာသီနဲ့ လက်ရှိ ရာသီ မှာတော့ ပွဲကစားခွင့် အကန့်အသတ်နဲ့သာ ရရှိခဲ့ပြီး ခြေစွမ်းပိုင်း ကလည်း တဖြည်းဖြည်းနဲ့ ကျဆင်းနေခဲ့တာ ဖြစ်ပါတယ်။ ဒါ့အပြင် လက်ရှိမှာ ဂရီးလစ်ရှ်ရဲ့ အနာဂတ်က တော်တော်လေး မသေချာဖြစ်နေပြီး လှုပ်ခတ်နေတာလည်း ဖြစ်ပါတယ်။
အခုလို အနာဂတ် မသေချာတော့တဲ့ အင်္ဂလန် တောင်ပံ ကစားသမား ဂရီးလစ်ရှ်ကို အန်ဂျီ ပိုစတီကိုဂလူးရဲ့ စပါးက ခေါ်ယူသွားချင်နေပြီး မကြာခင် ဖွင့်လှစ်မယ့် ဆောင်းရာသီ ဈေးကွက် မှာ ကြိုးပမ်းသွားချင်နေတာ ဖြစ်ပါတယ်။ ဒါပေမယ့်လည်း ပရီးမီးယားလိဂ် ကလပ် အနေနဲ့ ဂရီးလစ်ရှ်ကို ဆောင်းရာသီ ဈေးကွက်မှာ ခေါ်ယူဖိုတော့ မလွယ်ကူပဲ နွေဈေးကွက် ဖွင့်လှစ်ချိန် မှာတော့ ကမ်းလှမ်းမှုတွေ ပြုလုပ်လာနိုင်ဖွယ် ရှိနေပါတယ်။ ဂရီးလစ်ရှ် ကိုယ်တိုင် ကတော့ အသင်း အပြောင်းအလဲ မလုပ်ချင်ဘူးလို့ သိရပြီး ပရီးမီးယားလိဂ် ချန်ပီယံ မန်စီးတီး မှာသာ ပွဲထွက်ခွင့် အတွက် ဆက်လက် တိုက်ပွဲဝင်ချင်နေတယ်လို့ သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
