အီတလီက လာတဲ့ သတင်းတွေအရ ဆိုရင်တော့ ပရီးမီးယားလိဂ် ထိပ်သီး ကလပ် မန်ချက်စတာယူနိုက်တက်ဟာ အင်တာမီလန် နည်းပြ ဆိုင်မွန် အင်ဇာဂီကို နှစ်ကြိမ်တိုင်တိုင် ကမ်းလှမ်းခဲ့ဖူးတယ်လို့ သိရပါတယ်။ အီတလီ မီဒီယာ Corriere dello Sport ရဲ့ ဖော်ပြချက်အရ ယူနိုက်တက်ဟာ အီတလီလူမျိုး နည်းပြကို နှစ်ကြိမ်တိုင်တိုင် ကမ်းလှမ်းခဲ့ပေမယ့် ကံယာကံရှင် ဘက်ကတော့ ယူနိုက်တက်ရဲ့ ကမ်းလှမ်းမှု နှစ်ကြိမ်စလုံးကို ပယ်ချခဲ့တယ်လို့လည်း သိရပါတယ်။
ပရီးမီးယားလိဂ် ကလပ် ယူနိုက်တက်ဟာ ပြီးခဲ့တဲ့ရာသီ ကတည်းက နည်းပြသစ် တစ်ဦး ရှာဖွေနေခဲ့တာ ဖြစ်ပြီးတော့ အသင်းကို တိုးတက်အောင် ဆောင်ရွက်နိုင်ခြင်း မရှိတဲ့ အဲရစ်ခ် တန်ဟက်ဂ် နေရာမှာ အစားထိုးချင်နေခဲ့တာပါ။ ဒါပေမယ့်လည်း တန်ဟက်ဂ်က ရာသီကုန်ခါနီးမှာ ယူနိုက်တက် အတွက် အက်ဖ်အေဖလား အရယူပေးနိုင်ခဲ့တာကြောင့် အိုးထရက်ဖို့ဒ်မှာ နည်းပြ သက်တမ်း ကြာရှည်ခဲ့ပြီး ရက်ကလစ်ဖ် ဦးဆောင်တဲ့ INEOS က နယ်သာလန်သားကို အသင်းမှာ ဆက်ထိန်းထားခဲ့တာ ဖြစ်ပါတယ်။ INEOS က တန်ဟက်ဂ်ကို စာချုပ်သက်တမ်းလည်း တိုးမြှင့်ခဲ့သလို ယုံကြည်မှုလည်း ပေးခဲ့ပေမယ့် တန်ဟက်ဂ် ကတော့ အသင်းကို ရာသီသစ်မှာလည်း အားရစရာ ခြေစွမ်းမျိုးနဲ့ မြင်ရအောင် စွမ်းဆောင်ပေးနိုင်ခြင်း မရှိသေးပါဘူး။
တစ်ဖက်မှာ မန်ချက်စတာယူနိုက်တက် ကတော့ ဒီရာသီမှာ အခြေအနေ ပိုဆိုးနေပြီး ပရီးမီးယားလိဂ် မှာလည်း အဆင့် ၁၄ နေရာ အထိ ရောက်ရှိနေခဲ့တာပါ။ ဒါ့အပြင် ယူနိုက်တက်ဟာ ဒီရာသီ ပရီးမီးယားလိဂ်မှာ သွင်းဂိုး ၅ ဂိုးသာ ရရှိထားခဲ့ပြီး တိုက်စစ်ပိုင်း ကလည်း စိတ်ပျက်စရာကောင်းနေခဲ့တာ ဖြစ်ပါတယ်။ ပြီးခဲ့တဲ့ ရက်ပိုင်း ကလည်း နည်းပြ အဲရစ်ခ် တန်ဟက်ဂ်ရဲ့ အနာဂတ်နဲ့ ပတ်သတ်လို့ အကြီးအကျယ် ဆွေးနွေးခဲ့ကြပေမယ့် နောက်ဆုံး မှာတော့ အဖြေမထွက်ခဲ့တာကြောင့် အသင်း ပရိသတ်တွေလည်း စိတ်ပျက်နေခဲ့ကြရပါတယ်။
ပရီးမီးယားလိဂ် ကလပ် ယူနိုက်တက်ဟာ လက်ရှိ နည်းပြ အဲရစ်ခ် တန်ဟက်ဂ်ရဲ့ နေရာမှာ အစားထိုးဖို့ အတွက် ထိပ်တန်း နည်းပြ တချို့ကို ဆက်သွယ် ချဉ်းကပ်ခဲ့ပြီးတော့ ဆိုင်မွန် အင်ဇာဂီ ကိုလည်း ကြိုးပမ်းခဲ့တာ ဖြစ်ပါတယ်။ နှစ်ကြိမ် တိုင်တိုင် ကမ်းလှမ်းခဲ့ပေမယ့်လည်း အင်ဇာဂီ ကတော့ ယူနိုက်တက် နည်းပြ ရာထူးကို မစဉ်းစားပဲ ချက်ချင်းဆိုသလိုပဲ ပယ်ချခဲ့တာ ဖြစ်ကြောင်း သိရပါတယ်။
လက်ရှိမှာ အသက် ၄၈ နှစ် အရွယ် ရှိပြီ ဖြစ်တဲ့ နည်းပြ ဆိုင်မွန် အင်ဇာဂီ ကတော့ ပြီးခဲ့တဲ့ ရာသီက အင်တာမီလန်ကို စီးရီးအေ ချန်ပီယံဆု ရယူပေးနိုင်ခဲ့ပြီးတော့ ၎င်းက လက်ရှိ အသင်းမှာပဲ အောင်မြင်မှုတွေ ထပ်မံ ရယူသွားဖို့ ဆန္ဒရှိနေတာလည်း ဖြစ်ပါတယ်။
တန်ဟက်ဂ် ကတော့ ယူနိုက်တက် နည်းပြ ဘဝ တတိယမြောက် ရာသီ ရာသီအစပိုင်းမှာတင်ပဲ ရုန်းကန်နေရပြီးတော့ သူ့ကို ထုတ်ပယ်ပြီး အသင်း ဘက်က လက်ရှိ အသင်းရဲ့ နည်းပြ အဖွဲ့ဝင်တွေထဲမှာ ပါဝင်နေတဲ့ ရု့ဒ် ဗန်နစ္စတဲလ်ရွိင်း ကိုပါ ယာယီ နည်းပြ အဖြစ် ခန့်အပ်ဖို့လည်း ရှိနေတဲ့ အပြင် တခြားသော နည်းပြတွေနဲ့ပါ အစားထိုး ခန့်အပ်သွားဖို့လည်း စီစဉ်နေကြောင်း သတင်းတွေ ထွက်နေပါတယ်။
ယူနိုက်တက် နည်းပြသစ် ဖြစ်လာဖို့ ရေပန်းစားနေကြသူတွေထဲမှာတော့ အင်္ဂလန် လက်ရွေးစင် အသင်း နည်းပြဟောင်း ဂါရက်သ် ဆောက်ဂိတ်က ထိပ်ဆုံးက ပါဝင်နေပါတယ်။ ဒါပေမယ့်လည်း ဆောက်ဂိတ် ကတော့ လာမယ့် ၂၀၂၅ ခုနှစ်ကုန် အထိ နည်းပြ လုပ်ဦးမှာ မဟုတ်ကြောင်း တရားဝင် ပြောကြားထားတာကြောင့် ဘယ်သူက ယူနိုက်တက် နည်းပြသစ် ဖြစ်လာမလဲ၊ ဒါမှမဟုတ် တန်ဟက်ဂ်ပဲ ဆက်ရှိနေဦးမလား ဆိုတာ စောင့်ကြည့်ရတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
